Putinek 2036ra arte Kremlinen jarraitzeko bidea ireki du
Vladimir Putin Errusiako presidenteak boterean jarraitu ahal izateko azken oztopoa kendu du. Parlamentuan egindako agerraldi historikoan, Konstituzioa aldatzeko prest agertu da, eta atea ireki dio 2036ra arte Kremlinen egoteari.
"Ziur nago elkarrekin gauza on asko egingo ditugula oraindik, 2024ra arte gutxienez. Orduan ikusiko dugu", adierazi du Putinek Duman (Behe Ganbera).
Mendebaldearekiko beldurra, egonkortasun sakratua, presidentetza bertikal indartsua izateko premia, herrialdeak aginte politikoan aldaketarik behar ez izatea eta gizartearen gehiengoaren babesa aipatu ditu Putinek 2024an Kremlinetik ez joatea justifikatzeko. Egungo indarrean den 1993ko konstituzioaren arabera, kargua utzi beharko luke orduan.
Putinek ezustekoa eman zuen urtarrilaren erdialdean Konstituzioa aldatzeko asmoa agertu zuenean (esana zuen sekula ez zuela egingo), baina nazioarteko gaietako adituek uste zuten 2024an presidentetza utziko zuela, agintea beste erakunde batetik izateko: Estatu Kontseilutik.
Gaur baztertu egin du aukera hori, "arriskutsua" delakoan, "ez duelako inolako zerikusirik demokraziarekin", boterea bitan banatzeak "gizartearen zatiketa" eragingo lukeelako.
Hala eta guztiz ere, ez du oztoporik jarri boterean luzaro jarraitzeko proposamenari.
"Ziur nago uneren batean botere gorena, presidentearena, ez dela horren pertsonalista izango Errusian, ez dela pertsona jakin bati lotua egongo. Baina gure historia bide horretatik joan da…", esan du.
"Presidenteak du Konstituzioaren bermea, segurtasunarena, barne egonkortasunarena eta eboluzioarena. Hain zuzen ere, eboluzioarenean, nahikoa iraultza izan ditugu jada. Errusiak soberan bete du kuota iraultzailea", azpimarratu du.
Dumak aldeko 380 botorekin eta kontrako 43rekin onartu du Konstituzioaren zuzenketa, hau da, Putinen lau agintaldiak ez zenbatzea agintaldi berrietarako aukera zabaltze aldera.
Gainera, Putinek nazioaren egoerari buruzko urtarrileko hitzaldian proposatu zituen aldaketa konstituzionalak egiteko, herritarrek oniritzia eman beharko diote pakete osoari apirilaren 22an, erreferendum bidez.
Putinek azpimarratu zuen Errusian aginte politikoan aldaketak egoteko heldutasuna behar dela, eta kanpoko mehatxuen aurrean segurtasuna izatea.
2036ra iristea lortuko balu, Iosif Stalin buruzagi komunistak baino denbora gehiago emango luke agintean, 83 urterekin.
Albiste gehiago mundua
15 pertsona hil eta hogei bat zauritu dira Lisboan, funikular bat errailetik aterata
Portugaleko presidenteak doluminak eman dizkie "tragedia honek" kaltetutako familiei.
Putinek "argi apur bat" ikusi du Ukrainako "tunelaren amaieran", baina akordiorik ezean gerrak jarraituko duela ziurtatu du
Errusiako presidenteak adierazi du Volodimir Zelenski Ukrainako presidentearekin biltzeko prest dagoela Moskura bidaiatzen badu.
:eitb-banner?$eitb-banner$&fmt=webp-alpha&qlt=80)
Hamasek esan du nazioarteko harremanak "areagotu" dituela, Israel Gazan egiten ari den "sarraskia" gelditzeko asmoz
Talde islamiarrak ohartarazi duenez, gainera, Zisjordanian bizi duten hondamendia ez da Gazako Zerrendan bizi dutena baino samurragoa.
Txinak botere militarraren erakustaldi handia egin du II. Mundu Gerraren amaieraren 80. urteurrena ospatzeko
Desfile militarrean Xi Jinping Txinako presidentea izan da, Vladimir Putin eta Kim Jong-un Errusiako eta Ipar Koreako buruzagiekin batera. "Txinako nazioaren gaztetze handia geldiezina da eta, zalantzarik gabe, bakearen eta gizateriaren garapenak garaituko du", iragarri du Txinako presidenteak.
Venezuelatik "droga ugari" omen zekartzan itsasontzi bati eraso egin dio AEBk
Washingtonek adierazi du erasoa duela egun batzuk Venezuela parean nazioarteko uretan aktibatu zuen estrategia militarraren parte dela.
Bulgariak baztertu egin du Von der Leyenen hegazkinaren kontra erasorik izan zenik
EBren kide den Estatuko agintarien arabera, interferentzia mota horiek "egunero" gertatzen dira, eta, beraz, ez dute ikerketarik egingo.
Zelenskirekin bildu aurretik, Europako buruzagiei haren mezua helarazten utzi diezaiola eskatu dio Ficok Putini
Eslovakiarrak adierazi du ez dituela ulertzen EBk Ukrainako gatazkan hartutako zenbait erabaki, eta Bratislavaren eta Moskuren arteko lankidetzarekin jarraitzeko prest agertu da.
Afganistan, erreskateak eta suntsipena: lurrikarak 1.100 hildako baino gehiago utzi ditu
Afganistan ekialdea astindu zuen 6,0 graduko lurrikararen ondoren, gutxienez 1.100 hildako eta 3.200 zauritu izan dira; ospitaleak gainezka daude, eta oraindik ere biktimak iristen ari dira herri eta mendietatik.
Nolakoa da Hani Mahmoud kazetariaren jarduna Gazan? Hemen, bertatik bertara
Aitortu egin digu nekatuta dagoela, fisikoki eta emozionalki, baina jarraitu beharrean dago, ezin dio eta utzi Gazan gertatzen dena kontatzeko ardurari. Kontatu digu Armadak 250 bat kazetari palestinar hil dituela azken ia bi urteotan. Askotan justifikatu ditu erasoak, Hamaseko kide zirela esanez. Haniri oinarririk ez duela ez ezik, onartezina iruditzen zaio.
Hileta jendetsuak egin dituzte Israelek hildako Yemengo huthien gobernuko kideen alde
Gobernuko 11 kide hil zituen Israelek abuztuaren 28an, tartean, Ahmed al-Rahawi lehen ministroa. Huthien gobernuak Yemengo iparraldeko, erdialdeko eta mendebaldeko eremuak kudeatzen ditu 2024tik. Huthiek mendekua agindu dute.