Ordu aldaketa bertan behera uzteak izango lukeen eraginari buruzko txosten juridikoa prestatzen ari da Brusela
Neguko ordu aldaketaren atarian, ordu aldaketa bertan behera utzi eta ordutegi bakarra ezartzearen alde agertu da EBko Garraio komisarioa. Bere hitzetan, "ebidentzia zientifikoak" daude ordua aldatzeak herritarrei "kalte" egiten diela ziurtatzen dutenak.
Ordu aldaketa bertan behera uzteak izango lituzkeen ondorio praktikoak eta legalak aztertzen ari da Europar Batasuneko zerbitzu juridikoa, gaiaren inguruko eztabaida zabaldu eta erreforma berrabiarazteko asmoarekin. Apostolos Tzitzikostas EBko Garraio komisarioak aurreratu du berria, Europar Parlamentuaren gaurko osoko saioan.
Bere hitzartzean, 70eko hamarkadaz geroztik indarrean dagoen ordu aldaketa baliogabetzearen alde agertu da, gizartean eta ekonomian eragiten dituen "gorabeherengatik". Horiek guztiak aztertu eta ondorioak mahai gainean jartzeko, txosten "xehea" prestatzen ari direla azaldu du. "Europarrek urratsak nahi dituzte eta nire helburua aurrera egitea da. Iritsi da, behingoz, urtaro aldaketetan egiten den ordu aldaketarekin amaitzeko ordua", erantsi du.
Neguko ordu aldaketarako bi egun geratzen direnean —larunbatetik iganderako gauean izango da—, politikari kontserbadoreak defendatu du ordua aurreratzeak edo atzeratzeak "mundu osoari eragiten" diola, eta "gehienek" ez dutela gogoko. Aldaketa horrek "herritarrei kalte" egiten diola frogatzen duten "ebidentzia zientifikoak" daudela ere ziurtatu du. "Herritarren aldartean eta indarrean" eragin zuzena izateaz gain, "produktibitatea murrizten" dela nabarmendu du.
Aitortu du, gaur-gaurkoz, gaiaren inguruko adostasunik ez dagoela EBko estatu kideen artean eta "lan asko" dagoela egiteko. Horrekin batera, txalotu egin du Pedro Sanchez Espainiako Gobernuko presidenteak eztabaida ireki izana. Tzitzikostasen arabera, herrialde askok egin dute bat, dagoeneko, proposamenarekin.
Europako Batzordeak 2018an proposatu zuen ordu aldaketa bertan behera uzteko erreforma. Orduko hartan, herrialde bakoitzari aukera eman zitzaion udako edo neguko ordutegia aukeratzeko, baina ekimenak ez zuen aurrera egin. Europako Parlamentuaren babesa bazuen, baina inpaktuaren inguruko azterketarik ez zegoenez, estatu kideen artean erreformak ez zuen aurrera egiteko adina gehiengorik lortu.
Zure interesekoa izan daiteke
Zentro-ezkerreko oposizioko blokeak irabazi ditu Suediako hauteskundeak, inkesten arabera
Zentro-ezkerrak botoen % 51,3 eskuratu ditu eta Ulf Kristersson lehen ministro kontserbadoreak, berriz, % 46,8, SVT telebista publikoak egindako inkesta baten arabera.
AEBko Kongresuko demokratek IAren garapena geldotu nahi dute, sektoreko buruen alarmaren ostean, baina Trumpek esan du ez dela "gertatuko"
Asteartean bilera egingo dute Behe Ganberako demokratek, eta bertan "lehentasun garrantzitsu bat adimen artifizialaren inguruko ekintza izango da", aurreratu dute.
500 kolono israeldar inguru sartu dira Al Aksa meskitara juduen Urteberriko ospakizunetan
1967tik indarrean dagoen statu quoaren arabera (Israelek Ekialdeko Jerusalem okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Eskozia, Gales eta Ipar Irlandako liderrek independentziaren aldeko memorandum bat sinatuko dute
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.
Trumpek esan du "gustatuko" litzaiokeela Irlanda batzea: "Lehenago edo geroago gertatuko da"
Irlandan dago egunotan AEBko presidentea, eta bertan egin ditu adierazpen polemiko horiek. Erreakzioak erreskadan etorri dira.
BRICSeko herrialdeek Ekialde Hurbilean neurriz jokatzea eta alde bakarreko zigorrak baztertzea erabaki dute
Indian bilduta, herrialde horiek 140 puntuko adierazpen zabal bat adostea lortu dute, eta, besteak beste, elkarrekin lan egiteko konpromisoa hartu dute, "merkataritzaren eta energiaren fluxua babesteko".
Saudi Arabiak Ekialde-Mendebaldeko oliobidea itxi du, hainbat eraso jasan ostean
Azpiegitura hori da merkatu globalak hornitzeko bide nagusia Ormuzko itsasarteko egungo tentsio egoeran; egunean zazpi milioi upel petrolio gordin garraia ditzake.
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.