Ehunka milioi txinatarrek hiru minutuko isilunea egin dute biktimen alde
Koronabirusak Txinan hil dituen 3.326 herritarren alde hiru minutuko isilunea egin dute gaur ehunka milioi herritarrek, sirena antiaereoak zein auto, tren eta itsasontzietako bozina hotsak entzuten ziren bitartean.
Dolu nazional eguna izendatu zuen apirilaren 4a Txinako Gobernuak, gaitzak hildakoen eta borrokan aritu diren "martirien" alde.
Hala, 10:00ak zirenean (02:00 GMT), herritarrak geldi geratu dira zeuden tokian, isilik, autoek bozina jotzen zuten bitartean, eta hondamendi abisua emateko sirenek ere jotzen zuten bitartean. Hiru minutu horien amaieran "Aurrera Txina!" oihukatu dute eta txalo zaparrada batekin amaitu dute omenaldia.
Hubeiko probintziako Gobernuak 14 pertsonari eman die "martiri" izendapena -Alderdi Komunistak eman duen ohorezko titulu handiena-; tartean, koronabirusaren aurka lanean aritutako 12 medikuri.
Horietako bat Li Wenliang medikua da. Abendu amaieran Wuhango Poliziak atxilotu egin zuen lan egiten zuen ospitalean SARSaren antza zuen pneumoniaren sintomak zituzten gaixoak zeudela ohartarazi zielako lankide batzuei.
34 urteko mediku gazteari "zurrumurruak zabaltzea" leporatu zioten eta bere "akatsa" onartzen zuen testu bat sinatuarazi zioten. Ondoren, Li bera ere kutsatu egin zen eta handik hilabete batzuetara hil zen. Omenaldi ugari jaso ditu geroztik eta oso kritikatua izan da agintarien jarrera berarekiko.
Jaisten ari dira kanpotik heldutako kasuak, Txinaren beldurrik handiena
Bestalde, "inportatutako kasuak" gutxitzen jarraitzen dute Txinan. Ostiralean 19 kasu berri atzeman zituzten herrialde osoan eta horietatik 18 kanpotik joandako pertsonak ziren, Osasun Batzordeak jakitera eman duenez.
Atzerritik etorritako kasu horiek munduko beste herrialdeetan bizi ziren txinatarrak dira, pandemia zabaldu den honetan euren jaioterrira itzuli direnak, alegia. Kutsatze lokalak izugarri jaitsi diren honetan, kanpotik iritsitako kasu horiek dira agintarien kezka nagusia.
Oro har, 1.562 koronabirus kasu aktibo daude une honetan Txinan, horietatik 331 larri.
Guztira 81.369 kasu konfirmatu izan dituzte orain arte, 76.755 sendatu egin dira eta 3.326 hil dira.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.