Boris Johnson ospitaleratu dute, prebentzio-neurri gisa, koronabirusa dela eta
Boris Johnson Erresuma Batuko lehen ministroa ospitaleratu dute, COVID-19 gaitzak eragindako "sintoma iraunkorren aurrean" prebentziozko neurri gisa.
Johnsonek 55 urte ditu, eta martxoaren 27an eman zuen positibo koronabirusean. Ordutik, Londresko bere egoitza ofizialean isolatuta egon da.
"Bere medikuaren gomendioei jarraituz, lehen ministroa ospitaleratu egin dute, probak egiteko", adierazi du gobernuburuaren bozeramaile ofizialak ohar baten bidez.
"Kontuz jokatzeko hartutako prebentziozko neurria da, lehen ministroak positibo eman eta hamar egunera koronabirusaren sintomak izaten jarraitzen baitu", gaineratu du.
Johnsonek "sintoma arinak" zituela esan dute orain arte Downing Streetetik; "ez da larrialdiko ospitaleratzea", eta, besteak beste, "tenperatura altua" du, esan dute orain.
Ildo horretatik, Johnsonek lehen ministro lanetan jarraitzen duela eta ministro guztiekin zein goi funtzionarioekin kontaktuan dagoela azpimarratu du Downing Streetek.
"Lehen ministroak eskerrak eman dizkie osasun sistema publikoko langileei, egindako lanagatik, eta Gobernuak etxean geratzeko emandako aholkuei jarraitzeko eskatu die herritarrei, osasun sistema publikoa babestu eta bizitzak salbatzeko", gaineratu dute aipatu oharrean.
Erresuma Batuan orain arte 4.903 pertsona hil dira COVID-19 gaitzaren eraginez, horietatik 621 azken 24 orduetan. Horrez gain, 47.806 pertsona kutsatu direla baieztatu dute Osasun arduradunek, 195.524 test egin ostean.
Zure interesekoa izan daiteke
Trumpen mehatxu berrien ostean, Iranek negoziazioak eten dituela AEBrekin iragarri du, baina Qatarrek dio aurrera jarraitzen dutela
JD Vance AEBko presidenteordea ari da bilera hauetan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragarri dezake bihar
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.