Neurri zorrotzak eskatu dituzte poliziak eragindako afroamerikarren hilketen aurrean
Michelle Bachelet Giza Eskubideetarako Nazio Batuen goi-komisarioak George Floyd afroamerikarraren hilketa gaitzetsi du. Bideoan grabatu zuten heriotza, eta, hedabideetan eta sare sozialetan zabaldu ostean, protesta larriak eragin ditu Minneapolisen.
"AEBko poliziek eta indar publikoetako kideek desarmatutako afroamerikarren hilketen zerrenda luze baten azkena da kasu hau", azpimarratu du Bacheletek, eta atsekabea agertu du "George Floyden izena Breonna Taylor, Eric Garner, Michael Brown eta azken urteetan poliziaren esku hil diren beste hainbat afroamerikar desarmaturi gehitu behar izateagatik; Ahmaud Arbery eta Trayvon Martin ere agente publikoen eskuetan hil ziren".
Bacheletek "hilketak geldiarazteko neurri zorrotzak" hartzea eskatu die AEBko agintariei, eta, halakorik gertatuz gero, "justizia" egitea eskatu die. "Prozedurak aldatu, prebentziorako sistemak ezarri eta, batez ere, indarraren gehiegizko erabilerara jotzen duten polizia agenteak auzipetu eta zigortu behar dira", gaineratu du.
Denboran errepikatzen den ekintza bat
Agintari federalek ikerketa abiaraziko dutela iragarri duten arren, iraganean "arrazoi zalantzagarriengatik" hilketak justifikatu zituztela ohartarazi du, edo "neurri administratiboen bidez" ebatzi zirela azpimarratu du.
"Era berean, sakon aztertu behar da, heriotza horien atzean dagoen arraza-diskriminazio errotuak eta orokortuak", erantsi du.
Protestak baketsuak izan behar dira
Aldi berean, Floyden hilketak eragindako haserrea ulertzen duela adierazi du, eta protesta baketsuak egiteko eskatu die Minneapolisko eta herrialdeko beste hiri batzuetako biztanleei.
"Indarkeriak eta jabetzak suntsitzeak ez dute Poliziaren basakeriaren eta diskriminazio kontsakratuaren arazoa konponduko", esan du. "Justizia bermatzen duten manifestariei eskatzen diet beren eskaerak modu baketsuan adieraz ditzatela, eta poliziari eskatzen diot ahalik eta arreta handiena izan dezala egungo egoera are gehiago ez pizteko gehiegizko indarraren erabilerarekin".
Hedabideek zabaldu dutenez, "arazo mediko batek" eragin zuen astelehenean Floyden heriotza, AEBko Minneapolis hiriko Polizia Departamentuaren arabera.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.