Trumpek “kartzela-zigor luzeak” ezarriko dizkio monumentuei eraso egiten dien edonori
Donald Trump, Estatu Batuetako presidenteak, arrazakeriaren aurkako protestetan jomuga izan diren monumentu, oroigarri eta estatuak babesteko agindua sinatu du ostiral honetan. Hemendik aurrera gerta litezkeen erasoen arduradunek “kartzela-zigor luzeei” aurre egin beharko diete.
Agindu exekutiboaren arabera Gobernu federalaren ardura izango da monumentuei eraso egiten dien pertsona oro auzipetu eta 10 urtera arteko kartzela-zigorra ezartzea. Testuaren zehazten denez, lekuko agintariek egoera lasai mantentzea lortu ezean, monumentuen babesa bermatzea segurtasun indar federalen esku geratuko da.
Pasa den maiatzaren 25ean poliziak hil zuen George Floyd afro-amerikarraren heriotzak sortutako irakinaldiaren erdian, zenbait pertsonaia historikoren omenez egindako monumentuak hainbat erasoren jomuga izan dira. Trump presidenteak gogor gaitzetsi ditu ekintza horiek.
Manifestarien jomuga nagusiak hegoaldeko estatuetan anitzak diren ikur konfederatuak izan dira (Sezesio-gerran esklabutzaren alde egin zutenak). Horrez gain, zenbait konkistatzaile espainiarren, edo Estatu Batuetako “aita fundatzaileen” estatuek ere erasoak jaso dituzte.
Arrazismoaren aurkako mugimenduek hainbat estatu beren kabuz neurri zorrotzak hartzera eraman dituzte. Nueva Jersey estatuko Newark eta Camden hirietan, esaterako, zenbait estatua toki publikoetatik kendu behar izan dituzte.
Zure interesekoa izan daiteke
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.