Libano, larrialdi-egoeran leherketa eta koronabirusagatik
Libanoko Parlamentuak ostegunean onartu du Gobernuak pasa den astean Beiruten 177 pertsona hil eta 6.000 zauritu zituen leherketaren harira ezarritako larrialdi-egoera. Egoera hori koronabirusagatik ere luzatuko da, ezbeharraren ondorioz biktimak artatzeko osasun-sistemak dituen zailtasunak direla eta.
“Libano gure begien aurrean hiltzen ari da” baieztatu zuen asteazkenean Nabih Berri Parlamentuko presidenteak. Orain egiteko dagoen bakarra herrialdeak bizi duen krisirik krudelenari aurre egiteko “kirurgia” bat egitea dela gaineratu zuen.
Horrez gain, Hasan Diab lehen ministroaren kabineteak dimititu izanaren ondorioz erreformak eta ustelkeriaren aurkako borroka helburu dituen Gobernu berri bat “azkar” sortzeko deia egin zuen Parlamentuko presidenteak.
Larrialdi bikoitza
Ia aldi berean Libanoko jarduneko Osasun ministroak, Hamad Hasanek, martxoan koronabirusaren pandemiagatik ezarri zen larrialdi-egoera luzatu egingo dela iragarri zuen. Abuztuaren 18tik hilabete bat gehiagoz luzatuko da larrialdi-egoera.
Libanok martxoaren 15ean ezarri zuen lehenengo aldiz larrialdi egoera COVID-19agatik, baina neurriak lasaituz joan dira denborak aurrera egin ahala gaixotasunak indarra galdu duelako herrialdean.
Hasanek azaldu duenez, "koroabirus bidezko kutsatzeek gora egin dute, leherketaren ostean ospitaleetan pilaketak izan zirelako, maskararik erabili ez zelako eta une horretan prebentzio-neurriekiko konpromisorik ez zegoelako".
Larrialdi-egoerak Armadari eskubide osoa ematen dio biltzeko-askatasunaren, prentsa-askatasunaren eta adierazpen-askatasunaren aurka egiteko, eta baita herrialdearen segurtasunerako “mehatxua” izan daitekeen edonor atxilotzeko ere.
Human Rights Watch (HRW) erakundeko Libanoko ikerlariak, Aya Majzoubek ziurtatu zuen larrialdi egoera leherketaren ondoren sortutako gobernuaren aurkako “protestak erreprimitzeko aitzakia gisa erabiltzen ari ote den” kezkatuta daude.
Gatazkak hurrengo egunetan ere errepikatu ziran 2.750 amonio-nitratoren leherketak gizartean sortutako ezinegonagatik.
HRW eta Amnistia Internacional erakundeen arabera, zibilak bezala jantzitako agenteak, Armada eta segurtasun indarrek “neurriz kanpoko indarrak” erabili zituzten manifestarien aurka.
FBIk ere ikerketan parte hartuko du
AEBtako Gatazka Politikoko ordezkariordeak, David Halek, ostegunean Beiruten egindako bisitan aurreratu zuen FBIk, Libanoko autoritateen eskariei jarraituz, portuan gertatutakoa ikertuko duela.
Halek leherketaren ondorioz kaltetuena izan den auzoa, Gemmayze, ikertu ostean, aurreratu zuen larunbatera arte luzatuko den bisitan hainbat politiko eta autoritateekin bilduko dela, baina baita sozietate zibileko hainbat kide eta buruzagi erlijiosoekin ere.
Michel Aoun Libanoko presidenteak asteazkenean onartu zuen leherketa gertatu baino bi aste lehenagotik zekiela portuan amonio-nitrato “kantitate handi bat” zegoela.
Nazio Batuetako berrogei aditu baino gehiagok ostegunean leherketaren arduradunak identifikatzeko ikerketa independente eta azkar bat eskatu zuten.
Zure interesekoa izan daiteke
Osasunaren Mundu Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Egoera oso bestelakoa da duela hamar urtekoarekin alderatuta: mundua zatituago dago, zorpetuago eta herritarrak babesteko gaitasun txikiagoarekin. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.
Zazpi zauritu, horietako lau larri, Modenan izandako auto harrapaketa batean
Atxikitzen saiatu den pertsona bati laban batekin egin dio eraso gidariak. Lekukoek baztertu egin dute istripua izan denik, "orduko 100 kilometro orduko abiaduran zihoalako autoa, Modena hirigunean".