Pandemiak markak hautsi ditu munduan, eta bigarren olatua Europa osora zabaldu da
Azken 24 orduetan 350.000 COVID-19 kasu baino gehiago zenbatu dituzte munduan, pandemia hasi zenetik eguneko kopururik handiena. Guztira, 36,6 milioi positibo baieztatu dituzte, Munduko Osasun Erakundearen arabera.
Gaixotasunak 1,06 milioi hildako utzi ditu dagoeneko, horietako 6.300 azken orduetan.
Era berean, Europak markak hautsi eta ia 100.000 positibo berri baieztatu ditu. Amerikak 150.000 kasuak gainditu ditzake gaur. Asiako hegoaldeak, ostera, 100.000 kutsatuen langa gainditu ondoren, orain 80.000 inguru ditu.
Frantzian osasun egoerak okerrera egin du, eta zortzi hiritan, Paris tartean, alerta maila gorena ezarri dute. Horrela, besteak beste, tabernak itxi dituzte, eta jatetxeetan protokolo zorrotza indarrean jarri dute.
Paris, Marseilla, Aix-en-Provence eta Guadalupe (Antillak) alertan zeuden jadanik, eta gaurtik aurrera Lyon, Lille, Grenoble eta Saint-Etienne ere. Era berean, Tolosan (Okzitaniakoa) eta Montpellierren datuek hobera egiten ez baldin badute, epe laburrera kontrol zorrotzagoak jarriko dituzte.
Alemaniak 4.721 positiboren berri eman du azken orduetan. Ostiralean 4.500 jakitera eman zituen. 15 pertsona gehiago hil ditu koronabirusak Alemanian, Robert Koch (RKI) Institutuak azaldu duenez.
Italiako Gobernuak jakitera eman duenez, azken 24 orduetan 5.724 positibo berri baieztatu dituzte, errekorra bigarren olatuan. Grafikoak lehen olatuaren parean daude dagoeneko. 29 pertsona gehiago hil dira bertan. Guztira, pandemiak 36.140 hildako eta 349.494 kutsatu utzi ditu jadanik.
Herbeheretan 6.504 positibo berri zenbatu dituzte. Laugarren egunez jarraian marka hautsi du kutsatu berrien kopuruak. Kurbaren goranzko joera lehen olatuan baino nabariagoa da.
Pandemia hasi zenetik kutsatu berrien kopururik handiena baieztatu du Portugalek: 1.646 kasu. Bost pertsona gehiago hil dira bertan.
Azkenik, Poloniako Osasun Ministerioak 5.300 positiboren berri eman du. Laugarren egunez jarraian kutsatu berrien kopuruak markak hautsi ditu. Gainera, azken orduetan 53 pertsona hil dira.
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.