Ameriketako Estatu Batuek Google auzitara eramango dute monopolioa egotzita
AEBetako Justizia Departamentuak eta hamaika estatuk Google Interneteko erraldoia auzitara eramango dute, bilatzaileari monopolioa leporatuta. Ordenagailuetan bilaketen % 80 Google bidez egiten dira AEBetan, eta mugikorretan % 90.
Urtebeteko ikerketa amaitu ondoren kereilaren berri eman dute. Salaketaren arabera, Sundar Pichaik zuzentzen duen enpresak legez kanpoko ekintzak erabili ditu merkatuan nagusitzeko eta konkurrentzia (Yahoo, Bing eta DuckDuckGo) banaketa kanal nagusietara heltzea eragozteko.
Jeffrey Rosen Justizia Departamentuko fiskalaren ondokoak prentsaurreko telefonikoan azaldu duenez, Internetera “sartzeko zaindari nagusiaren” papera “akordio esklusiboen legez kanpoko sare baten bidez” mantendu du Google erraldoiak, “konpetentziari kalte eginez”.
Besteak beste, Apple konpainiari milaka miloi dolar ordaintzen dizkio, Google bilatzailea iPhone telefonoetan kokatzeko, eta gainera, konpetentziaren bilatzaileak instalatzea debekatzen dio kontratu berezien bidez.
Rosenek erantsi duenez, praktika horiekin konpainiak “berrikuntza eta Google berrien sorrera eragotzi du”.
Erraldoi teknologikoak AEBetan ordenagailuetako bilaketen ia % 80a kontrolatzen du, eta % 90a mugikorretan eta tabletetan. Horrela, Facebookekin batera, Interneteko publizitate merkatuan nagusi da.
Borroka judizialak urteak iraun ditzake, 1998an Silicon Valleyn sortutako konpainiak finantza sendoak dituelako; izan ere, erreferentzia teknologikoetako bat da merkatu digital globalaren sorreran.
Salaketak “gabezia ugari” dituela argudiatu du Google konpainiak. “Monopolioaren aurkako argudio zalantzagarrietan” oinarritzen dela gaineratu du erraldoiak.
Azken urteetan, erraldoi teknologikoak kritikatu dituzte gobernu eta bloke ezberdinek, besteak beste, Europar Batasunak (EB); izan ere, botere handia pilatu eta mozkin ikaragarriak lortzen dituzte, baina zerga gutxi ordaindu.
Horrela, Facebook, Apple edo Amazon bezalako erraldoi digitalak ikertzen ari dira, balizko jauntxokeria kasuek gobernuak kezkatzen dituztelako.
Zure interesekoa izan daiteke
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).