Eta izeneko ekaitza urakan bihurtu da Mexikoko golkoan
Azken orduotan Eta izeneko ekaitzak indarra hartu du Mexikoko golkoan eta bat kategoriako urakan izatera igaro da, AEBko CNH Urakanen Zentro Nazionalak zabaldutako informazioaren arabera.
Erdialdeko Amerikako hainbat herrialdetan ehunka hildako eragin ostean, iparralderako bidea hartu du 120 kilometro orduko haize indarrarekin. AEBko CNN telebista katearen esanetan, osteguneko azken orduan edo ostiralean ukituko du lurra.
Etak hondamendia eragin du, batez ere Erdialdeko Amerikako herrialdeetan.
Guatemalan, Kongresuak hondamendi egoera onartu du hamar departamentutan larrialdiari erantzuteko. Gutxienez 47 pertsona hil dira, Guatemalako Hondamendiak Murrizteko Koordinakunde Nazionalak (Conred) jakitera eman duenez. Gainera, 97.000 pertsona ebakuatu behar izan dituzte, horietatik 17.300 agintariek prestatutako aterpetxeetan.
Biktimen kopuruak gora egin du Hondurasen ere. Asteartean eguneratutako azken balantzearen arabera, denboralearekin lotutako 58 heriotza izan dira.
Nikaraguan, herrialde horretako agintarien arabera, 70.000 pertsona baino gehiago ebakuatu zituzten Etaren eraginez. Horrez gain, ia 10.000 etxebizitzek kalteak jasan dituzte, eta horietatik 1.900 inguru guztiz suntsituta gelditu dira.
Panaman, 17 hildako eta 24 desagertu zenbatu dituzte, Juan Manuel Pino Segurtasun ministroaren hitzetan. Gainera, 3.500 pertsona daude aterpetxeetan.
Mexikok ere balantzea egin du azken egunotan, batez ere Tabasco eta Chiapas estatuetan, herrialdearen hego-ekialdean. Gutxienez 27 hildako eta 180.000 kaltetu baieztatu dituzte agintariek.
Albiste gehiago mundua
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.