Gora egin dezakete nabarmen covid-19 kasuek datozen egunetan mundu osoan
Gabonen ostean, koronabirusak eragindako kutsatze eta heriotzen gorakadarako prestatzen ari da mundua. Izan ere, harreman sozialak areagotu egin dira, murrizketak arindu hein handi batean eta andui edo aldaera berriak atzeman dira.
Egoerak okerrera egiteko beldurra gero eta indar handiagoa hartzen ari da: Atzo bertan Erresuma Batuan 58.000 pertsona kutsatu ziren egun bakar batean, orain arteko errekorra, eta Erresuma Batuko datu txarrei Estatu Batuek jada zenbatu dituzten 20,3 milioi positiboak gehitu behar zaizkio (jada 350.000 pertsona inguru hil dira covid-19arein AEBn), eta kutsatzeen kurbak gorakada nabarmena izan du Afrikan.
Osasunaren Mundu Erakundearen (OME) estatistikek erakusten dutenez, 82,3 milioi kasu izan dira orain arte planetan (470.000 berri azken orduetan, horietatik 24.000 Afrikan) eta 1,8 milioi hildako, horietatik 9.900 azken egunean. Urtea ia 14.000 heriotzako errekorrarekin hasi zen.
Erresuma Batua, aldaera berriak jota
Erresuma Batuan bost egun daramatza gora egiten kutsatu kopuruak, eta azken 24 orduetan pandemia osoko kasu berrien marka hautsi du berriro, 57.725 kasu, 2,6 milioi kutsatu eta 74.500 heriotza (445 azken egunean) gainditzeraino.
Gabonen inpaktuaz gain, kutsakorragoa den birusaren aldaera britainiar berriak datozen asteetan hedapen garrantzitsua izango dela aurrikustarazten du.
Txertoa jartzen hasi eta neurriak hartu badituzte ere (Ingalaterraren % 75 konfinatuta daude, eta ikasgeletara itzultzea atzeratu egin da), beldur dira Erresuma Batuko ospitale-sistema kolapsatu egingo ote den.
35 milioi kasu kontinente amerikarrean eta 26 Europan
Ameriketako Estatu Batuek (AEB) jarraitzen dute mundan koronabirus kasu eta heriotza gehien izaten herrialdeka (20,3 milioi kutsatu). Ondoren datoz India (10 milioi), Brasil (7,6 milioi), Errusia (3,1 milioi), Frantzia (2,5 milioi) eta Erresuma Batua.
Kontinenteen arabera, kontinente amerikarra da OMEren estatistiken buru, 35 milioi kasurekin; ondoren, Europa dago (26 milioi), Asiako hegoaldea (12 milioi), Ekialde Ertaina (5 milioi), Afrika (1,9 milioi) eta Ekialdeko Asia (1,1 milioi).
Amerikako eta Europako zifretatik urrun badago ere, Afrikak bereziki kezkatzen du nazioartea, bere positiboen kurbak erakusten baitu igoerarik handiena. Uztailean bizi izan zuten lehen oldea Afrika eta gaur egun, ordua baino kutsatze gehiago izaten ari dira.
Zure interesekoa izan daiteke
Iranek errefusatu egin du AEBk egindako bake proposamena, "gehiegizkoa" dela iritzita
Irango agintariek behin eta berriz esan dute Ameriketako Estatu Batuek eta Israelek Iranen aurkako "erasoa eta hilketak" gelditu behar dituztela, baita Teheranen aurkako erasoa ez errepikatzeko mekanismo zehatzak garatu ere, besteak beste.
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker, Australiak guztira 1.000 milioi euroko balioa duten muga-zergak kenduko ditu. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.
Gutxienez 66 lagun hil eta 70 zauritu dira, Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeuden barruan istripua izan duenean. Guztira, 128 pertsona zeuden hegazkinean.
EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Trumpek bost egunez atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.