Alexei Navalni oposizioko buruzagia atxilotu dute, Moskura iritsi bezain pronto
Poliziak Alexei Navalni Errusiako oposizioaren burua atxilotu du Moskuko Sheremetievo aireportuko pasaporte kontrolean, zenbait komunikabide digitalek zabaldu ostean politikariaren bozeramaileak berak baieztatu duenez.
Kira Yarmish Navalniren bozeramaileak Navalniren atxiloketa baieztatu du txio batean.
Poliziek eurekin joateko eskatu diote, eta Navalnik abokatua eskatu du, baina ez diote eskaera onartu.
Yulia emazteak musu batekin agurtu du politikaria. Alemaniatik Moskurako bidaia emaztearekin egin du Navalnik, bost hilabete bertan eman ondoren. Abuztuan pozoitu zuten, baina sendatu egin da.
“Bueltatzearekin oso pozik nago, eta azken bost hilabeteetako egunik zoriontsuena da”, adierazi du Navalnik, atxilotu baino lehen.
Alemaniari eta, bereziki, bertako medikuei eta erizainei eskerrak eman dizkie, eta pozoitzearen erantzukizuna Vladimir Putin Errusiako presidenteari egotzi dio ekintzaileak.
“Nire etxea da. Guztiek beldur ote naizen galdetzen didate. Ez dut beldurrik. Pasaporte kontrolera erabat lasai noa”, esan du.
Era berean, Errusiako Espetxe Zerbitzu Federalak (SFP) baieztatu egin du Navalniren atxiloketa.
2014an ezarritako kartzela-zigorraren (3,5 urte) baldintzak ez betetzea leporatzen dio SFPk Navalniri, eta berriz espetxera bidaltzeko eskatu dio Justiziari.
Hegazkinak Moskuko Sheremetievo aireportuan lur hartu du, nahiz eta Vnukovo aireportuan espero. Poliziaren dispositibo handia zuen zain Vnukovon.
DP936 hegaldiak Berlindik eraman du Navalni, Alemanian ia bost hilabete pasatu ondoren. Siberian pozoitu zuten, antza denez, substantzia toxiko militar batekin.
“Sheremetievon lur hartu dugu. Azken unera arte hainbeste beldur zutenik sinestea zaila zen. Baina baieztatu dute”, idatzi du Kira Yarmish Navalniren bozeramaileak Twitter sare sozialean.
Aireportu aldaketa azken orduan gertatu da “arrazoi teknikoak” argudiatuta, Pobeda airelinearen arabera. Horregatik, Vnukovo aireportuan zain zituen dozenaka kazetariek ez dute Sheremetievora joateko denborarik izan.
“Navalniri ongietorria egitea saihesteko edozein gauza egiteko gai dira agintariak: hegazkina beste aireportu batera desbideratu edo hegaldia bertan behera utzi”, ohartarazi zuen Liubov Sobol oposizioko buruzagiaren laguntzaileak. Sobol eta beste 20 bat pertsona atxilotu dituzte Vnukovo aireportuan.
OVD-Info plataformak jakitera eman duenez, gutxienez 37 pertsona atxilotu dituzte, kazetari batzuk tartean.
Atxiloketak Moskuko Vnukovo aireportuan. Argazkia: EFE
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.