Kapitolioaren erasoko buruzagietako batek dio Trumpen aginduak jarraitzen zituztela
Kapitolioaren kontrako erasoan parte hartu zuen Oath Keepers (zinaren zaintzaileak) talde paramilitarraren buruzagietako batek adierazi du Donald Trump AEBko presidentearen aginduak jarraitzen zituztela, AEBko Justizia Departamentuaren dokumentuaren arabera.
"Data hurbiltzen zen heinean, (Jessica) Watkinsek esan zuen Trump presidentearen jarraibideen zain zegoela", jaso dute agirian fiskalek. CNN telebista kateak dokumentuaren xehetasunak jakinarazi ditu gaur.
Southern Poverty Law Centerren arabera, Oath Keepers "gobernuaren kontrako AEBko muturreko talde handiena da, eta milaka polizia eta militar beterano daude parte hartzaileen artean".
CNNk nabarmendu duenez, "fiskalek inoiz baino argiago esan dute erasoak Trumpen babesa zuela". Aurretik, baina, gutxienez lau atxilotuk aitortu duten presidentearen agindupean ari zirela.
Watkinsek 2020ko azaroaren 9an idatzitako beste testu bat ere aipatzen gaur argitaratutako dokumentuak, eta bertan agerian geratzen da presidentearen babesa beharrezko zutela: "Ondo landutako tranpa bat izatearen beldur naiz. POTUSek (AEBko presidentea) berak martxan jartzen ez badu, ez da legitimoa. POTUSek eskubidea du unitateak martxan jartzeko. Trumpek joateko esaten badit, joan egingo naiz. Bestela, ez dut berarengan konfiantzarik izango". Watkinsek abendu amaieran jaso omen zuen presidentearen oniritzia.
CNNren esanetan, Justizia Departamentuko fiskalak Watkins kartzelan mantentzearen alde daude.
Emakumeari konspirazioa eta beste delitu batzuk egotzi dizkiote. Beste ehunka pertsonekin batera Kapitolioa hartzeko saiakeran parte hartu zuen Watkinsek, bi ganberek Joe Bidenen garaipena berretsi behar zuten egunean.
Erasoan bost pertsona hil ziren, tartean Kapitolioko polizia bat. Auziaren ondorioz, Trumpen kontrako bigarren epaiketa politikoa egiten ari dira Senatuan.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.