AstraZenecaren 29 milioi txertoren aurkikuntzak bizitu egin du EBrekin duen gatazka
Italiako agintariek AstraZenecaren txertoaren 29 milioi dosi aurkitu dituzte Italiako biltegi batean, ustez Erresuma Batura esportatzeko prest, 'La Stampa' egunkariaren arabera.
Dosiak Catalent enpresak Erromatik gertu duen lantegi batean aurkitu dituzte, Europako Batzordeak hala ohartarazi ostean. Bloomberg agentziaren arabera, gutxienez dosi horien zati bat Herbehereetan ekoitzi du Halix enpresak, hilean bost milioi dosi ekoizteko gaitasuna duen farmazeutikoaren azpikontratak.
Italian aurkitutako dosiak EBk orain arte jasotakoen ia bikoitza dira, eta, 'La Stampa' egunkariaren arabera, Erresuma Batua zuen jomuga, ia 15 milioi pertsonaren bigarren dosia bermatzeko.
Kontrol-mekanismoaren aldaketa
EBko herrialdeekin dituzten salmenta-konpromisoak betetzen ez dituzten fabrikatzaileek txertoak kanpora ez esportatzeko sortutako kontrol-mekanismoa aldatuko den egunean eman dute horren berri.
Aurreikusitako aldaketen artean, mekanismo hori malgutzea dago, sinatutakoa betetzen duten baina jomuga Europar Batasuna ez duten enpresen txertoei ere heldu ahal izateko.
Orain arte, behin baino ez da erabili mekanismo hori txertoen irteera geldiarazteko, eta Italiatik Australiara bidaltzeko prestatuta zegoen AstraZenecaren partida bat blokeatzeko erabili zen.
AstraZenecak ukatu egin du Erresuma Batura zihoazenik
AstraZeneca farmazia konpainiak, bere aldetik, ukatu egin du gaur Italian aurkitutako covid-19aren aurkako txertoaren 29 milioi dosiak Erresuma Batura bidaltzeko zirenik, eta jakinarazi du EBko estatuen artean banatuko dituela 10 milioi martxoa amaitu baino lehenago.
Enpresak esan du dosi guztiak Erresuma Batura esportatzeko zirela zabaldu arren ez dela egia; izan ere, konpainiako ordezkari batek Europa Pressi azaldu dio "uneotan" ez dagoela "esportaziorik aurreikusita" Munduko Osasun Erakundearekin adostutako COVAX ekimenetik (txertoa mundu osoan zabaltzeko) kanpo.
Hala, aurkitutako 13 milioi dosi Europar Batasunetik kanpo ekoitzi omen zituzten, eta COVAXen adostutako herrialdeetara, garapen prozesuan daudenetara, bidali behar dituzte. "Txertoa EBtik kanpo ekoiztu zen eta Anagniko lantegira eraman zuten", farmazia enpresak emandako azalpenen arabera.
Gainerako 16 milioiak Europako herrialdeetan banatuko dituzte, eta 10 milioi, EBko kideen artean, martxoa amaitu aurretik, kalitate kontrolak gainditu eta baimenak jasotakoan.
Brusela eta Londres, tentsioa baretzen
Egoerak eragindako tentsioaren aurrean, Europako Batzordeak eta Erresuma Batuko Gobernuak adierazpen bateratua kaleratu dute, pandemiaren aurkako borrokan bi aldeentzat "onuragarria" izango den "harremana" bilatzeko lanean ari direla adierazteko.
"Pandemia berari egin behar diogu aurre guztiok, eta hirugarren olatuak are garrantzitsuagoa egiten du EBren eta Erresuma Batuaren arteko elkarlana", idatzi dute testuan.
"Elkarrenganako mendekotasunak direla eta, epe labur, ertain eta luzean biontzat egoera onuragarria sortzeko ekintza zehatzetan ari gara lanean, txertoa herritar guztiei helaraztea tartean", gaineratu dute.
Bruselak eta Londresek azpimarratu dute "irekitzea eta lankidetza giltzarri" izango direla birusaren aurkako borrokan eta "etorkizuneko erronketara hobeto prestatzeko".
Zure interesekoa izan daiteke
G7ak eta EBk Ormuzko itsasartea irekitzeko eta inguruko herrialdeak pairatzen ari diren “ondorioak” arintzeko deia egin dute
Mendebaldeko herrialde boteretsuenen Atzerri ministroek, baita AEBkoak ere, “populazio zibilaren eta azpiegituraren aurkako erasoak berehala eteteko” eskatu dute.
Trumpek apirilaren 6ra arte luzatu du Ormuzko itsasartea berriro irekitzeko ultimatuma
AEBk Ekialde Hurbilera 10.000 soldadu gehiago bidaltzea aztertzen ari da, Teheranen gaineko presioari eusten dion bitartean eta arazoak luze joko duela ikusita.
Iranek AEBren proposamenari erantzun dio eta bake akordio baterako hainbat baldintza jarri ditu mahai gainean
Teheranek erasoa "ez errepikatzeko baldintzak" eskatzen ditu, eta gatazkaren amaierak "fronte guztiei" eragitea, Libano eta Irak barne.
Israelek iragarri du Alireza Tangsiri Irango Guardia Iraultzailearen Armadako komandantea hil egin duela
Israel Katz Israelgo Defentsa ministroaren arabera, Ormuzko itsasartearen blokeoaren erantzule nagusia zen. Irango agintariek ez dute oraingoz heriotza baieztatu.
Iranek ez du onartu AEBk egindako bake proposamena, "gehiegizkoa" dela iritzita
Irango agintariek behin eta berriz esana dute Ameriketako Estatu Batuek eta Israelek Iranen aurkako "erasoa eta hilketak" gelditu egin behar dituztela, baita Teheranen aurkako erasoa ez errepikatzeko mekanismo zehatzak garatu ere, besteak beste.
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.