Ikatz ekoizpenarekin amaitzeko akordioa lortu dute 40 herrialde pasatxok; Txina eta AEB kanpo geratu dira
Klimaren goi-bileran, ikatz ekoizpenarekin amaitzeko akordioa lortu dute 40 herrialde pasatxok. Energia iturri honen erabiltzaile handienetako batzuk daude tartean, Polonia, Kanada edota Ukraina. Beste batzuk, baina, hitzarmenetik kanpo geratu dira, Estatu Batuak eta Txina kasu.
Konpromisoak herrialde bakoitzaren ekonomiaren eta testuinguruaren araberakoak dira. Adibidez, 40 herrialde hauetatik ekonomia indartsuena dutenek, 2030ean utziko diote ikatza ekoizteari. Baina garapen bidean direnek, 10 urte gehiago beharko dituzte.
Kontuan izan behar da, adibidez, Polonian, energiaren % 75a ikatzetik sortzen dutela eta honek eragin ekonomiko eta politiko handia duela bertan. Etxean duten energia merkeari ezetz esatea, zaila da, baita lanpostuei uko egitea ere.
Akordio honetan ez dagoen arren, Txinak berriki adierazi du, ez dituela ikatzezko zentralak atzerrian gehiago finantzatuko.
Ikatza da berotegi-efektuko gasen isurketa gehien eragiten duena. Hori dela eta, adituek diotenez funtsezkoa da berotze globala 1,5 gradu zentigradutara mugatu ahal izateko ikatzaren erabilerarekin amaitzea.
Iragarpenaren harira Greenpeacek COP26an duen ordezkaritzaren buruak, Juan Pablo Osorniok, azaldu du deklarazioak ez duela bete erregai fosilen inguruan "behar den anbizioa", "hamarkada kritiko honetan" isurketak murriztu ahal izateko.
Bere ustez, 2030erako ikatzarekin amaitzeko plan zehatz bat behar da, adibidez Polonian eta Alemanian, eta, gainera, gobernu guztien "konpromiso sendoa" behar da ikatz, petrolio eta gas proiektu berriei berehala amaiera emateko.
Bestalde, Leo Roberts E3G aditu klimatikoen taldeko kidearen hitzetan, ostegun honetan iragarritako iragarkien eta ekimenen zabaltasunak eta sakontasunak agerian uzten dute ikatzaren urruntzea bizkortzen ari dela, eta, beraz, "iragarki horiek erakusten dute ikatzaren aroa amaitzen ari dela".
Iragarkiak Global Carbon Project delakoaren analisiaren berri izan ondoren heldu dira. Horren arabera, ikatz- eta gas-emisioak 2019ko mailetatik gora igoko dira 2021ean mundu osoan, nahiz eta petrolio-kutsadura maila prepandemikoen azpitik egon.
Era berean, ezin da baztertu 2022an emisioak maximo berrietara igotzea, baldin eta errepideko garraioa eta abiazioa pandemiaren aurreko mailara itzultzen badira.
Zure interesekoa izan daiteke
Israelek gutxienez bost pertsona hil ditu UNRWAk Gazako iparraldean duen eskola baten inguruan egindako eraso batean
Dagoeneko ia 1.300 palestinar hil dira Zerrendan Israelgo Armadaren esku 2025eko urrian indarrean sartu zen su-etenaz geroztik.
Marokoko ministro batek Ceuta eta Melillaren “askapenaz” hitz egin du Mohamed VI.aren aurrean
Bi hiri autonomoei buruz hitz egin du, Afrikako iparraldeko lurralde hori 1580an Espainiaren subiranotasunaren mende egon aurretik Ceutan jaiotako bi aditu islamiko aipatuta.
Ormuzen aldi baterako igarobide seguru bat irekiko dutela laster aurreikusi du Omanek
Iranek eta Omanek negoziazio teknikoekin jarraituko dute itsas ibilbide iraunkor bati buruzko akordio bat lortzeko, bai eta informazioa trukatzeko, itsas trafikoa kudeatzeko eta nabigazio- eta segurtasun-zerbitzuak emateko mekanismoak ezartzeko ere.
1.500 haurrek igeriketa-ikastaro doakoen amaiera ospatu dute Gazako itsasoan bainu handi bat hartuz
Astearte honetan, 1.500 haur palestinar elkarrekin sartu dira itsasora Gazako hegoaldeko Mawasi hondartzan udako doako igeriketa-ikastaroak amaitu dituztela ospatzeko. Eskolak Tantesh Akademiak antolatu ditu, eta 1999tik darama haurrei igerian irakasten. Familiak hondartza ondoan kanpin-dendetan eta egoera gogorrean bizi diren arren, akademiak eskolak ematea lortu du, hondartzan bertan behin-behineko igerilekuak eraikita.
Merzek herrialdeak erregistratutako azken dron erasoen arduradunak zigortuko dituela agindu du
Alemaniako agintariek astearte honetan jakinarazi dutenez, hirugarren drone bat aurkitu dute Leipzigeko aireportutik gertu; hilabete hasieran lehergailuz kargatutako beste bi artefaktu aurkitu zituzten inguru horretan bertan.
Singapurrek 47.000 euro emango ditu seme-alaba bakoitzeko, jaiotza-tasa sustatzeko asmoz
Familiei zuzendutako neurriek, halaber, hobekuntzak dakartzate etxebizitzan, haurtzaindegietan eta seme-alabak hazteko baimenetan. Laguntza-paketea 2026an jaio diren edo 1-17 urte betetzen dituzten Singapurreko haur guztiei zabalduko zaie.
Tornado batek gutxienez 40 zauritu eta 300 etxe kaltetu ditu Frantziako hegoaldean
40 pertsona baino gehiago zauritu dira eta 15 ospitaleratu dituzte. Gainera, bi lagun Pomas herritik falta dira, Aude departamenduan, Frantziako hegoaldean.
Trumpek % 50era igoko ditu Kanadako automobilen eta beste produktu batzuen gaineko muga-zergak
Trumpen arabera, erabaki horren arrazoia da Kanadak AEBko nekazarien produktuen gainean ezartzen dituen zergak. Ildo horretatik, Kanadako lehen ministroak nabarmendu du bere herrialdea AEBren "funtsezko hornitzailea" dela, batez ere energia, mineral jakin batzuen eta hornidura-kateetarako ezinbesteko produktuen arloan.
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, Teheranekin negoziatzen duen "inor ez dago salbuetsita" zeharkako zigorren jomuga izatetik.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.