Krisi energetikoa eta defentsa gaiak aztertzeko elkartuko dira gaur EBko gobernuburuak eta estatuburuak
Europar Batasuneko estatuburu eta gobernuburuek bilera egingo dute ostegun honetan Versaillesen (Frantzia), Ukrainako gerrak erabat baldintzatuta. Besteak beste, Errusiarekiko menpekotasun energetikoa, energiaren kostua eta defentsa gastua handitzea izango dituzte hizpide. Gaurko bilera informala izango da, eta, dirudienez, bertan ez dute erabaki handirik hartuko. Martxoaren 24an eta 25ean Bruselan egingo den goi-bileran daude jarrita itxaropenak.
Ukrainako gerra hasi zenetik bi aste bete diren honetan, Europar Batasuneko 27 herrialdeetako agintariek Errusiaren aurkako zigor gehiago eztabaidatuko dituzte, bereziki finantza-sisteman, esportazioetan edo itsas sektorean azpimarra eginda.
Errusiarekiko menpekotasun energetikoa gutxitzeaz ere arituko dira; izan ere, Europar Batasunean kontsumitzen den gasaren % 40 Errusiatik dator. Gai-zerrendako beste gaiak elektrizitatearen prezioaren igoera eta energiaren prezioa finkatzeko sistema aldatzea izango dira.
Bestalde, Ukrainak Europar Batasunera batzeko egindako eskaria ere aztertuko dute. Estatukide batzuk prozesua azkartzearen alde agertu dira, eta beste batzuk, berriz, ohiko bideari eustearen alde. 27 herrialdeen artean desadostasunak daudenez, ez da aurrerapauso handirik espero.
Defentsarako gastua handitzea
Defentsarako ahalmena eta gastua handitzea izango da gaurko bilerako beste hizpideetako bat. Defentsa alorreko planak egitea eskatuko diote 27 herrialdeek Europako Batzordeari, eta defentsarako estrategia Ukrainako egoerara egokitzea eztabaidatuko dute.
Zure interesekoa izan daiteke
Lau lagun atxilotu eta hainbat zauritu dituzte Flotillako euskal ekintzaileei egindako harreran izan diren istiluetan
Atxilotu guztiak aske utzi dituzte arratsaldean. Hainbat agentek borrak erabiliz kolpatu dituzte ekintzaileak, eta, horren aurrean, Ertzaintzak barne ikerketa abiatu du jazotakoa argitzeko.
Frantzian sartzea debekatu diote Ben Gvir ministro israeldarrari
"Gaurtik aurrera, Itamar Ben Gvirrek debekatuta du Frantzian sartzea, Global Sumud Flotillako frantziar eta europar herritarren aurka egindako ekintza onartezinei erantzuteko", adierazi du Barrotek sare sozialetan.
40.000 pertsona ebakuatu dituzte Kalifornian, kimiko toxikoak dituen tanke bat lehertzear dagoelako
Kaliforniako Orange konderrian 40.000 pertsona inguru ebakuatu dituzte, substantzia kimiko oso leherkorrak biltzen dituen eta ihesak eta egiturazko akatsak dituen biltegi industrial bat berehala lehertzeko arriskua dagoelako.
Gutxienez 90 pertsona hil dira Txinako ikatz meategi batean izandako leherketa baten ondorioz
Erreskate taldeek lanean jarraitzen dute Liushenyu meatzean, Shanxin, herrialdearen erdialdean, eta agintariak istripuaren arrazoiak ikertzen ari dira. Xi Jinping presidenteak gertatutakoaren ardurak argitzeko deia egin du.
Kongoko Errepublika Demokratikoaren barruan ebola-agerraldiak eragindako arriskua "oso altua" dela ohartarazi du orain OMEk
Mundu mailan, arriskua "baxua" da, baina Bundibugyo izeneko birusaren aldaera ezezagun samar batek eragindako izurrite baten arriskuaz ohartarazi du, ez baitago ez tratamendurik ez txertorik.
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.