EBk eta AEBk Putinen gaineko presioa areagotu nahi dute NATO, G7 eta Europako Kontseiluaren goi-bilerekin
Europar Batasunak eta Ameriketako Estatu Batuek (AEB) Vladimir Putin Errusiako presidentearen gaineko presioa areagotu nahi dute, NATO, G7 eta Europako Kontseiluaren goi-bilerekin. Ukrainako inbasioaren aurrean aurrekaririk gabeko frontea osatu nahi dute.
Errusiak Ukrainaren inbasioa hasi zuenetik hilabete bete denean, Joe Biden AEBko presidenteak Europara bidaia egin du, Ukrainako gerran murgilduta dagoen kontinenteari babes argia adierazteko. Arlo militarrean eman beharreko pausoak aztertuko dituzte agintariek, baita Errusiaren aurkako zigorrak ere.
Aliantza Atlantikoko ezohiko bilerak eta G7 eta Europako Kontseiluaren batzarrek osatuko dute agenda. Honenbestez, Ukrainako gerraren bilakaera Bidenekin eztabaidatzeko aukera izango du EBk.
Volodimir Zelenski Ukrainako presidenteak bideokonferentzia bidez parte hartuko du NATOren hitzorduan. Era berean, Zelenskik hitza hartuko du EBren bileran, arratsaldean.
Laguntza militarra nola areagotu eztabaidatuko dute, indarkeriak gora eginez gero Moskuk arma kimiko edo nuklearrak erabiltzea ez baita baztertzen.
NATOren batzarra amaitu ondoren, G7ko buruzagien txanda izango da, Fumio Kishida Japoniako lehen ministroa tartean. Erakunde militarraren egoitzan bertan bilduko dira, Kremlinari eman beharreko erantzun politikoa adosteko.
Petrolio eta gas blokeoa
Zigorrak areagotzeko aukera ere mahai gainean egongo da. Horrela, Europako Kontseiluaren buruzagiek ere neurri gehiago aztertuko dituzte.
Gauzak horrela, Moskuri diru-sarrera garrantzitsu bat ixteko Errusiako petrolioari eta gasari blokeoa ezartzea premiazkoa dela uste dute askok. Nahiz eta Bruselak neurririk ez baztertu, EBko estatu kide batzuek zalantzak agertu dituzte dagoeneko, erabakiak kostu ekonomiko izugarria izango lukeelako, energiaren prezioak dagoeneko gorakada itzela izan duenean.
Txina
Txinaren papera ere aztertuko dute NATOk eta Europako Kontseiluak. Erasoaldi militarrean Moskuri lagunduz gero errepresaliak izango direla mehatxu egin zion Washingtonek Pekini, baina Europak zuhurtzia handiagoa azaldu du orain arte.
Kontinente zaharrean ez dute ozenago hitz egin nahi, eta Asiako erraldoiari konponbidearen parte izatea eskatu diote, Ukrainako gerrarekin zabaldu den agertoki geopolitikoan joka dezakeen paperaren zain.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.