Boluarteren Gobernuak larrialdi-egoera ezarri du 30 egunez Peru osoan
Peruko Gobernuak larrialdi-egoera herrialde osoan 30 egunez ezartzeko erabakia hartu du, eta, ondorioz, bertan behera utzi ditu biltzeko eskubideak, bizilekuaren bortxaezintasuna eta ibiltzeko askatasuna, besteak beste. Era berean, Exekutiboa etxeratze-agindua ezartzeko aukera aztertzen ari da.
"Larrialdi-egoera herrialde osoan ezartzea adostu da, gertakari bandaliko eta bortitzak izan direlako, errepideak hartu dituztelako, nahiz eta dagoeneko egoera lasaitzen ari den (...) erantzun sendoa behar dute", esan du Alberto Otarola Defentsa ministroak, Pedro Castillo presidente ohia kargutik kentzeagatik Gobernuaren aurka egindako protesten inguruan. Gutxienez zazpi pertsona hil dira.
Peruko Indar Armatuak Arequipako hainbat gune estrategikotan zabaldu dira, herrialdeko bigarren hirian, hain zuzen ere. Izan ere, asteartetik larrialdi-egoeran dago, protestak eta segurtasun indarrekin izandako liskarrak direla eta. Alfredo Rodriguez Ballon Nazioarteko Aireportua bezalako puntuak babesten ari dira militarrak.
Arequipa (Perú). Foto: EFE
Dina Boluarte Peruko presidenteak iragarri du hauteskunde orokorrak 2023ko abenduan egitea proposatu duela, bere herrialdeari eragiten dion krisi politiko eta sozial larriaren erdian egin zuen hasierako proposamena baino lau hilabete lehenago.
Bestalde, Juan Carlos Checkley Peruko epaile gorenak Pedro Castillo presidente ohiaren atxiloketa 48 orduz luzatzeko agindua eman du. Epe horretan, Fiskaltzak agintari ohiaren aurka aurkeztutako 18 hilabeteko behin behineko espetxealdiaren eskaera aztertuko da.
Protesta. Foto: EFE
Castillok Giza Eskubideen Batzorde Interamerikarrari (CIDH) laguntza eskatu dio, uste baitu bere herrialdeko agintariek askatasuna "urratu" diotela berriro. "Aski da! gehiegikeriek, umiliazioek eta tratu txarrek jarraitzen dute. Gaur berriro nire askatasuna 18 hilabeteko behin behineko espetxealdiarekin urratzen dute. Justizia aldarrikatzen duten Peruko nire anai-arreben eskubideen alde egiteko eskatzen diot CIDHri ", idatzi du berak sinatutako eta Twitterren argitaratutako gutun batean.
Zentzu horretan, Ronald Atencio presidente ohiaren abokatuetako batek adierazi du bere herrialdeko Justizia "eskubide guztiak urratzen" ari dela, ordu gutxiren buruan behin-behineko espetxealdia berrikusteko saioa antolatu baitu.
Gainera, "sektore kolpista" bati, Gobernuari erreferentzia eginez, herritarren protestak "isiltzen" saiatzea leporatu dio Castillok. Azkenik, "esker ona" agertu die Kolonbia, Bolivia, Argentina eta Mexikoko presidenteei, ohar bat igorri baitzuten estatuburu gisa aitortzeko.
Zure interesekoa izan daiteke
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.