Bolsonaroren aldeko hiru diputatu ikertzea eskatu du Brasilgo Fiskaltzak, igandeko erasoa bultzatu zutelakoan
Jair Bolsonaro Brasilgo presidente ohi ultraeskuindarraren aldeko hiru diputatu ikertzea eskatu dio herrialde horretako Fiskaltzak Auzitegi Federal Gorenari, joan den igandean izandako erasoak bultzatu zituztelakoan. Kongresua, Jauregi Presidentziala eta Gorte Gorena indarrez hartu zituzten milaka herritarrek, Lula da Silva egungo presidentea kargutik botatzeko eskatuz.
Gaur kaleratutako agiri batean, Andre Fernandes, Silvia Waiapi eta Clarissa Tercio ikertzea eskatu du fiskalak. Lehenengo biak Alderdi Liberaleko kideak dira, eta hirugarrena, Alderdi Kontserbadorekoa. Fiskaltzak eskarian zehaztu duenez, sare sozialetan zabaldutako mezuen bidez, hiru diputatuok "indarkeria ekintzak" sustatu zituzten, "publikoki deliturako bidea sustatuz".
Fernandesek, esaterako, erasoa baino bi egun lehenago Twitter sare sozialean bideo bat zabaldu zuen, "Lularen Gobernuaren aurkako lehen ekintza" iragarriz. Asteburuan, berriz, Alexandre de Moraes Auzitegi Goreneko epailearen bulegoko atea erabat txikituta erakusten zuen argazkia argitaratu zuen.
Terciok, berriz, igandean bertan bideo bat publikatu zuen Instagram plataforman, Bolsonaroren aldeko herritarri dei eginez: "Boterea hartu dugu. Kongresuaren barruan gaude. Jende guztia hemen goian dago. Hau historiara pasatuko da, nire biloben historiara", idatzi zuen.
Era berean, Waialpi diputatuak ere, Instagramen bidez, erasoetan parte hartzera deitu zituen herritarrak: "Ministerioak hartuko ditu jendeak igandean! Brasilgo herriak boterea hartuko du, gobernu gorriarekin haserre dagoelako!", esan zuen.
Zure interesekoa izan daiteke
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.