Europako Batzordeak eta Kontseiluak debekatu egin diete langileei TikTok instalatzea
Europako Batzordeak eta Europako Kontseiluak TikTok aplikazio txinatarra telefono mugikor ofizialetan instalatzea debekatu diete euren langileei, "segurtasun" arrazoiak argudiatuta, Estatu Batuetako Kongresuak bere beharginekin egin zuen bezala.
Sonya Gospodinova Europako Exekutiboko bozeramaileak esan duenez, erabakia "arretaz aztertu" dute, eta "Europako Batzordea zibersegurtasunaren mehatxuetatik eta erasoetatik babesteko" hartu da, baina ez du argitu debekua eragin duen eraso zehatzen bat izan ote den.
Hala ere, Bruselak "etengabe" berrikusiko du neurria, eta etorkizunean "atzera botatzea" izan daitekeela erantsi du Gospodinovak.
Igor Unanue zibersegurtasun adituak eitb.eusi azaldu dionez, "kontua da TikTokek, txinatarra izanda, konfiantza gutxiago ematen duela, txinatarrek eguneratzeak beraien erara egiten dituztelako; ez dago kontrol handirik Europar Batasunetik, kontrol gutxiago izango luke; eta gainerakoek, badirudi, kontrol gehiago dutela, baina edozein aplikaziok ditu ahultasunak, zaurgarritasunak".
TikTok enpresaren bozeramaile baten ustez, ordea, EBren erabakia "oker dago eta funtsezko kontzeptu okerretan oinarritzen da".
"Harritu egiten gaitu Batzordea gurekin zuzenean harremanetan jarri ez eta azalpenik eman ez izanak: bilera bat eskatu dugu gauzak argi uzteko, TikTok hilero bisitatzen duten 125 milioi pertsonen datuak nola babesten ditugun azaltzeko", gaineratu du bozeramaileak.
TikTok aplikazioaz gain, Batzordeak debekatu egin zuen Zoom bideo-deien aplikazioa, baina antzeko beste batzuk baimendu ditu, hala nola Skype Empresarial edo Webex.
Zure interesekoa izan daiteke
Hauek dira Iranek eta Estatu Batuek adostutako akordioak jasotzen dituen 14 puntuak
Ekialde Hurbileko gerrari amaiera emateko eta Ormuzeko itsasartea desblokeatzeko Iranekin lortu duen akordioaren xehetasunak plazaratu dituzte Estatu Batuek. Ostiralean Suitzan sinatuko den akordioak atzeratu egiten ditu eztabaidagai delikatuenak, hala nola, programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.