Finlandia NATOko eskubide osoko kide bihurtuko da gaur
Finlandia NATOko kide formal bilakatuko da gaur, asteartearekin, Aliantza Atlantikoaren egoitzan atxikitzeko prozesua amaituta. Bertan, bandera altxatzeko zeremonia bat egingo dute, eta, ondoren, aliatuen Atzerri ministroen bilera bat, Europako iparraldeko herrialdeak eskubide osoko kide gisa parte har dezan.
"Finlandia hartuko dugu NATOko 31. kide gisa, Finlandia eta gure Aliantza indartsuago egiteko", iragarri du Jens Stoltenberg aliatuen idazkari nagusiak astelehen honetan emandako prentsaurrekoan.
"Egun benetan historikoa da hau, egun handia Aliantzarentzat", ziurtatu du Stoltenbergek, eta gogorarazi du zeremonia NATOren jaiotzaren 74. urteurrenean izango dela, 1949ko apirilaren 4an sortu baitzen.
Turkia izan da Finlandia NATOra sartzeko protokoloa berretsi duten 30 aliatuetako azkena, eta prozesua amaitzeko, "atxikitzeko tresna" AEBko Estatu Departamentuan utzi behar du. Hala ere, Turkiako Atzerri ministroak astearte honetan entregatuko dizkio dokumentuak Antony Blinken AEBko Estatu Departamentuko buruari, biek Bruselan bat egiten dutenean.
Finlandia Ipar Atlantikoko Tratatuaren Erakundean sartuta, Aliantzaren eta Errusiaren arteko lurreko muga egungoaren "bikoitza baino gehiago" izango da, NATOko idazkari nagusiaren hitzetan; beraz, Vladimir Putin Errusiako presidenteak "Ukrainaren aurkako gerra NATO ahultzeko asmoz abiatu bazuen, kontrakoa lortzen ari da".
Zure interesekoa izan daiteke
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.