Txinak proposatu du 18 urtetik beherakoek egunean gehienez 2 orduz erabiltzea dispositibo elektronikoak
Txinako Ziberespazioaren Administrazioak (CAC) arau izan daitekeenaren zirriborro bat aurkeztu du haurrek dispositibo elektronikoak erabiltzeko. Besteak beste, 18 urtetik beherakoek egunean gehienez bi orduz erabiltzea proposatzen da.
Gainera, 8 urtetik beherakoek egunean gehienez 40 minutuko denbora-muga izan beharko dute erabiltzeko. 8 eta 16 urte bitartekoek, berriz, gehienez ordubetez erabiltzeko sistema izan beharko lukete.
Kontsulta publikora ireki den dokumentu horren bidez, CACek erabiltzaile horien babesa indartu nahi du, baita Interneten ohitura osasungarriak ezarri ere, adingabeek sareak erabiltzeko ereduak sortzeko zenbait arau jarrita.
Hala, 'Adingabeentzako Internet mugikorreko ereduak eraikitzeko jarraibideak' izeneko esparru horri heldu beharko diote, bai mugikorren hornitzaileek, bai adingabeentzako aplikazioak banatzeko aplikazio eta zerbitzu-plataforma guztiek.
Proiektu honek, batetik, adingabeek telefono adimendunak erabiltzeko gehieneko denbora jasotzen du, baita adinaren arabera eskaini beharko litzaiekeen eduki mota ere, eta haurrek eta nerabeek erabiltzen dituzten edukiak gurasoek eta tutoreek nola kudeatu behar dituzten ere zehazten du.
Horrela, bost adin-tarte ezartzen ditu jarraibide horiek emateko: 3 urtetik beherakoak, 3 urtetik gorakoak baina 8 urtetik beherakoak, 8 urtetik gorakoak baina 12 urtetik beherakoak, 12 urtetik gorakoak baina 16 urtetik beherakoak, eta, azkenik, 16 urtetik gorakoak baina 18 urtetik beherakoak.
CACen arabera, terminal orok haurrentzako modu jakin baterako sarbidea izan behar du, terminala pizten den unean gogoratzeko, bai mahaigaineko ikono baten bidez, bai gailuaren aurretiko konfigurazioaren bidez.
Halaber, bertan jaso dutenez, adingabeentzako modu hori aktibatuta dagoenean, terminalak jakinarazpen bat izan behar du erabiltzaileari jakitera emateko 30 minutu baino gehiagoz erabili duela eta atseden hartu behar duela.
Gainera, sistema hori duten gailu adimendunek debekatuta izan beharko dute adingabeei 22:00etatik 06:00ak arte zerbitzuak ematea.
Zure interesekoa izan daiteke
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.