Hawaiiko baso-suteek 80 hildako eta 1.000 desagertu utzi dituzte dagoeneko
Maui konderriko agintariek 80ra igo dute Hawaiiko baso-suteen ondorioz hildakoen kopurua larunbat honetan. Guztira, 1.000 pertsona inguru desagertu dira, eta artxipelagoa AEBetako estatu denetik izandako hondamendi natural batek eragindako tragediarik handiena dira suteok.
Maui konderriko webgunean zabaldutako mezu batean, agintariek baieztatu egin dute kopuru berria, eta Lahainan piztutako sutea oraindik guztiz kontrolpean ez dagoela ohartarazi dute.
Orain arte, uharteak bizi izan duen hondamendi hilgarriena 1960an gertatutako tsunamia izan zen, 61 pertsona hil zituena. Suteek milaka ebakuatu utzi dituzte orain arte. Izan ere, larunbat honetan bertan, agintariek Kaanapali ebakuatzeko agindua eman dute, Lahaina iparraldean, eragin handiena izan duen eremuan.
Josh Green Hawaiiko gobernadoreak onartu du astebete baino gehiago igaro daitekeela bertako agintariek Lahaina hiri historikoan kiskalitako hondakinak ikuskatu baino lehen.
Tokiko agintarien arabera, 14.000 pertsona baino gehiago ebakuatu zituzten Maui uhartetik asteazkenean, eta 14.500 inguru gertuko uharteetara eramaten ari dira, CNN kateak jaso duenez.
Richard Bissen Lahainako (artxipelagoko hiriburu ohia eta Hawaiiko gune turistikoenetako bat) alkateak uste du hiriaren % 80 erabat suntsituta geratu dela sugarren ondorioz.
Ostiralean, 11.000 pertsona baino gehiagok argindarrik gabe jarraitzen zuten Estatuan, PowerOutage.us-en arabera, eta, beraz, uhartearen zati handi batekin komunikazioak konplexuak dira oraindik.
Irudiek erabat suntsitutako eremuak erakusten dituzte, eta Aireko Patruila Zibilak zehaztu du ia 300 egitura kaltetu dituela suak.
Ostegunean, Joe Biden AEBko presidenteak hondamendi egoera deklaratu zuen Hawaiin, eta laguntza federala bidaltzea agindu zuen, joan den asteartean hasi ziren baso-suteek kaltetutako eremuetan estatuko eta tokiko suspertze-ahaleginak osatzeko.
Azken hilabeteetan irletan izan den lehorte handiaren eta Dora urakanaren haize indartsuen ondorioz, sugarrak askoz azkarrago zabaldu dira, tokiko agintarien arabera, eta, gainera, sua itzaltzeko lanak zaildu dituzte.
Zure interesekoa izan daiteke
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".