Lassok hiru dolu-egun eta salbuespen-egoera ezarri ditu 60 egunez Villavicencioren hilketaren ostean
Guillermo Lasso Ekuadorko presidenteak salbuespen-egoera ezarri du 60 egunez, Fernando Villavicencio presidentegaia tiroz hil ostean, Quiton, herrialdeko hiriburuan, hauteskunde-mitin bat amaitu ostean.
Agintariak bi dekretu sinatu ditu presidentegaiak "kazetari, idazle, aktibista sozial eta politiko" gisa egindako ibilbidea aitortu eta haren "zintzotasuna" goraipatzeko. "Ustelkeria ekintzen aurkako ikerketa prozesuen bultzatzaile nagusietako bat da", azpimarratu du.
Ildo horretan, esan du "Gobernuaren betebeharra" dela haren memoria ohoratzea, eta krimen antolatuaren aurkako borrokan egindako lana goraipatu du. Gainera, "elkartasuna" helarazi die senide eta lagunei, eta hiru dolu-egun nazional ezarri ditu.
Halaber, erabaki du Ekuadorko banderak haga erdian jarrita egotea eraikin publiko, pribatu, zibil eta militar guztietan, dolu-egun horietan.
Lassoren hitzetan, herrialdean "indarkeriak gora egin du, eta gero eta modu oldarkor eta krudelagoak daudela erakusten duten delituei" egin behar diete aurre, eta ekintza "deitoragarri" horiek "nazioaren eta nazioartearen gaitzespena" eragin dutela erantsi du.
Horrek, azaldu duenez, "hauteskunde politikoen testuinguruan, alarma soziala eragiten duten baldintzak sakondu ditu (...), eta beldurra edo izua sortu du nazioan".
"Militarren laguntza behar da; bestela, poliziekin ez litzateke nahikoa izango, azken aste eta orduetan agerian geratu diren indarkeria-gertakariak kontrolatzeko ez ezik, gainerako hautagaien, aktore politikoen (...) eta herritarren osotasuna bermatzeko ere", zehaztu du.
Salbuespen-egoerak aurreikusten du Indar Armatuak mobilizatzea "ordena publikoa berrezartzeko", "barne-kontrola indartzeko", etxebizitzaren bortxaezintasunerako eskubidea etetea lurralde osoan, eta bidalitako edo jasotako korrespondentziaren bortxaezintasuna etetea.
Bestalde, Diana Atamaint CNEko presidenteak adierazi duenez, hauteskundeen data "ez dute aldatuko, Konstituzioaren agindua betez", baita hauteskundeei begira antolatutako jarduera guztiak ere. Hauteskundeak abuztuaren 20an egitekoak dira.
Gutxienez sei susmagarri atxilotu dituztela baieztatu du Lassok, eta Ekuadorko Fiskaltzaren arabera, Quitoko bi barrutitan "egindako sarekadetan" atxilotu dituzte. Agintariak azaldu duenez, ikerketek aurrera jarraitzen dute eta agintariek "legearen zorroztasun guztia aplikatuko dute erantzuleek zigor handienarekin ordain dezaten".
Zure interesekoa izan daiteke
Iranek Ormuzko itsasartea itxi du, Israelek Libano hegoaldean egindako erasoengatik
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Inoizko hauteskunde polarizatuenen bigarren itzulia egingo dute igandean Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.