G20ak lurralde integritatea errespetatzeko eskatu du, baina Ukrainako gerra gaitzestea saihestu du
Narendra Modi Indiako lehen ministroak larunbat honetan iragarri duenez, G20ak azken adierazpen bateratua egitea lortu du, Errusiak Ukraina inbaditzearen inguruan sortutako tirabirak eta desadostasunak gorabehera.
Modik ziurtatu du herrialde kideek azkenean lortu dutela horri buruzko adostasuna, eta asteburu honetan New Delhin, Indiako hiriburuan, egiten ari diren G20ko goi-bileran parte hartzen ari diren "talde desberdinen lan gogorrari buruzko informazioa" jaso dutela esan du. "Akordioa daukagu", baieztatu du.
Goi bileraren aurreko asteetan zalantzak izan dira taldea osatzen duten herrialdeak (munduko ekonomia nagusiak, Errusia eta Txina, besteak beste) akordio batera iritsiko ote ziren.
Orain, ordea, gaiaren gertuko iturriek DPA albiste agentziari jakinarazi diote Errusiak lortu duela testuak gerraren gaitzespen esplizitua jasotzea saihestea, eta estatu kideek gai horren inguruan ados jartzea lortu dutela.
Ukrainaren aliatuak, bestalde, herrialde guztiek beste estatu batzuen lurralde integritateari eta independentzia politikoari eraso ez egiteko beharrari buruzko aipamenak sartzea negoziatzen saiatu dira.
Gainera, G20ko liderrek energia berriztagarriak sortzeko gaitasuna hirukoiztea adostu dute, 2030a baino lehen. "Energia berriztagarriaren ahalmen globala hirukoizteko ahaleginak egin eta bultzatuko ditugu, dauden helburu eta politiken bitartez", dio adierazpenak, "2030erako egoera nazionalarekin bat etorriz".
Afrikako Batasuna, kide ofizial berria
Bestalde, afrikar herrialdeen batasuna taldeko azken kide bihurtu da. G8ko herrialdeek, Europar Batasunak, Saudi Arabiak, Argentinak, Australiak, Brasilek, Txinak, Hego Koreak, Indiak, Indonesiak, Mexikok, Hego Afrikak eta Turkiak osatzen dute 1999. urtean sortutako G20ko taldea.
Zure interesekoa izan daiteke
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).