Laguntza humanitarioa daraman bigarren konboi bat sartu da Gazan
Rafahko muga, Egipto eta Gazako Zerrenda lotzen dituena, berriro ireki dute gaur, laguntza humanitarioa daramaten 17 kamioi sar daitezen, tokiko komunikabideek jakinarazi dutenez. Gazara laguntza humanitarioa eraman duen bigarren konboia da.
Egiptoko Al Qahera News telebistak zuzenean eman ditu kamioiak Rafahtik Gazara sartzen erakutsi dituzten irudiak.
Duela egun batzuetatik igarobide horretan dauden boluntarioek adierazi dutenez, 17 kamioi horiek, batez ere, "sendagaiak, ura eta elikagaiak" daramatzate, baina ez dute xehetasun gehiago eman. Al Qahera Newsen arabera, 17 kamioi horien artean Palestinako Ilargierdi Gorriarekin batera laguntza koordinatu duen Egiptoko Ilargierdi Gorriko hiru kamioi daude.
Kamioiak igarobidea pasatzera zihoazenean, txaloka hartu dituzte dozenaka boluntariok, Egiptoko banderak astintzen zituztela.
Bi astez itxita egon ondoren, atzo zabaldu zen aurrenekoz Rafahko pasabidea, Israelek kontrolatzen ez duen bakarra. Atzora arte ezinezkoa zen laguntza Gazara pasatzea, Israelek ez zuelako entregatzeko baimenik ematen eta Egipto eta Gaza lotzen dituen bidea kaltetuta zegoelako Israelen bonbardaketen ondorioz.
Atzo, laguntza humanitarioa zeramaten 20 kamioiak deskargatu ondoren, berriro itxi zuten Rafahko mugako pasabidea.
Zure interesekoa izan daiteke
AEBk ofizialki onartu du "espazioa kontrolatzeko" armak zabalduta dituela orbitan
AEBko agintariek azpimarratu dute gaitasun horrek herrialdea "defendatzeko" aukera ematen duela, euren "aurkako erasoen" aurrean.
AAren arriskua "gezurra" dela esan du Trumpek, eta klima aldaketaren "iruzurraren" pare jarri du
"Duela gutxi esaten zuten mundua desagertuko zela 'klima aldaketagatik'. Gezur horrek ez zien inoiz funtzionatu, eta orain hurrengoaren bila doaz", adierazi du AEBko presidenteak.
Nazio Batuen Erakundeak adimen artifiziala gobernatzeko eskatu die Estatuei eta enpresei: "Giza eskubide guztiak arriskuan daude"
Anthropic, OpenAI eta Google AA autoerregulatzeko segurtasun erakunde bat sortzea aztertzen ari dira, The Washington Post egunkariaren arabera. Donald Trumpek adierazi duenez, berriz, "AAk behar duen kontrol edo segurtasun mekanismo bakarra ni bezalako presidente indartsu eta argia da".
Eskoziak, Galesek eta Ipar Irlandak akordio historiko bat sinatu dute autodeterminazioaren alde
Cardiffen, Galesko hiriburuan egindako bileran independentziari buruzko erreferendumaren alde egiteko estrategia bateratua iragarri dute hiru buruzagiek.
Zentro-ezkerreko oposizioak garaipen estua lortu du Suedian, baina emaitza ez da ziurra oraindik
Hiru eserlekuren aldea baino ez du, 176 173ren kontra, eta ostiralerako espero da behin betiko emaitza, atzerritik iritsitako botoak zenbatuta. Ultraeskuinak indarra galdu du, eta Alderdi Kontserbadorearen atzetik geratu da.
Eskozia, Gales eta Ipar Irlandako liderrek independentziaren aldeko memorandum bat sinatuko dute gaur
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Zentro-ezkerreko oposizioko blokeak irabazi ditu Suediako hauteskundeak, inkesten arabera
Zentro-ezkerrak botoen % 51,3 eskuratu ditu eta Ulf Kristersson lehen ministro kontserbadoreak, berriz, % 46,8, SVT telebista publikoak egindako inkesta baten arabera.
AEBko Kongresuko demokratek IAren garapena geldotu nahi dute, sektoreko buruen alarmaren ostean, baina Trumpek esan du ez dela "gertatuko"
Asteartean bilera egingo dute Behe Ganberako demokratek, eta bertan "lehentasun garrantzitsu bat adimen artifizialaren inguruko ekintza izango da", aurreratu dute.
500 kolono israeldar inguru sartu dira Al Aksa meskitara juduen Urteberriko ospakizunetan
1967tik indarrean dagoen statu quoaren arabera (Israelek Ekialdeko Jerusalem okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.