Israelek Libano hegoaldean egindako eraso batek Al Mayadeen hedabideko bi kazetari hil ditu
Libanoko Al Mayadeen hedabideko kazetari bat eta bideokamerari bat hil ditu gaur Israelek, Libano hegoaldean egindako eraso batean. Hala, duela sei aste baino gehiago muga inguruan hasitako erasoen ondorioz hiru kazetari hil dira jada, telebista-kate horrek astearte honetan jakitera eman duenez.
Farah Omar kazetaria eta Rabih al Maamari bideo-erreportaria dira hildakoak, hedabideak jakinarazi duenez, baina ez du gertaeraren inguruko xehetasunik eman. Hala ere, Ghassan bin Jiddo kanaleko zuzendariak langileei "zuzenean" eta "erabat nahita" erasotzea leporatu dio Israeli. Horren aurrean, "Al Mayadeenen ahotsa isilaraztea" lortuko ez duela aldarrikatu du, telebistak zabaldutako adierazpenen arabera.
Al Mayadeenek Beiruten du egoitza, baina herrialde osoko informazioa ematen du. Gainera, Ekialde Erdiko herrialde askotan ditu langileak.
Duela astebete inguru, Israelgo Segurtasun Kabineteak Libanoko telebista-katearen emisioei betoa jartzea onartu zuen, kate horrek "Israelen etsaien interesetarako" balio duela argudiatuta, Shlomo Karhi Komunikazio ministroak orduan iragarri zuenez.
Urriaren 13an, Alma al Shaab hegoaldeko eremuan egindako antzeko eraso batek Reuterseko bideokamerari bat hil zuen eta hainbat hedabietako beste kazetari batzuk zauritu zituen.
Libanoko Gobernuak Israelgo indarrek jaurtitako misilei bati egotzi zion tragedia hori, eta lekuko batzuek horrekin bat egin zuten.
Joan den urriaren 8tik, Libanoko Hizbula talde xiita eta Israel eraso gogorretan murgilduta daude bi herrialdeen arteko mugan. Gatazka horrek dagoeneko dozenaka hildako eta 26.000tik gora desplazatu utzi ditu Libanon bakarrik.
Indarkeriaren zurrunbilo horretan, prentsaren aurkako beste ekintza batzuk ere leporatu dizkiote Israelgo Armadari, hala nola joan den astean Yaronen (hegoaldea) kazetari talde batetik metro gutxira erori ziren misilak jaurtitzea eta Irango hedabide baen ibilgailuaren aurka tiro egitea.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.