'The New York Times'ek Microsoft eta OpenAI salatu ditu bere testuak baimenik gabe erabiltzeagatik
The New York Times egunkariak salaketa aurkeztu du asteazken honetan Microsoften eta OpenAI adimen artifizialeko enpresaren aurka, bere testuak baimenik gabe IA modeloak entrenatzeko erabiltzeagatik.
"Microsoften Bing Chat (duela gutxi 'Copilot' izendatu dutena) eta Open AIren ChatGPTren bidez, salatuek The Times-ek kazetaritzan egindako inbertsio handiaz baliatu nahi dute, baimenik eta ordainketarik gabe ordezko produktuak eraikitzeko erabiliz", irakur daiteke Manhattango auzitegi batean aurkeztutako salaketan.
Egunkariak ez du ordain ekonomiko zehatzik nahi, baina bai salatuei "milaka milioi dolarren" erantzule egitea kalte-ordainetan, eta The New York Times-en 'copyright'ekin informazioa erabiltzen duten adimen artifizialeko ereduak suntsitzea.
Salaketan, GPT-4k (OpenAIren produktuetako bat) sortutako hainbat testuren adibideak bildu ditu egunkariak. Testu horiek ia ezin dira bereizi hedabideak argitaratutako ikerketa batzuetatik.
Gainera, erakusten dute Microsofteko Bing bilatzaileari eska diezaiokegula Times-eko albisteen parrafo osoak kopiatzea, nahiz eta egunkariak harpidetza eskatu edukiaren zati handi bat irakurtzeko.
ChatGPT bezalako adimen artifizialeko 'chatbots'ek testu-datu kopuru izugarriak erabiltzen dituzte galdera bati erantzunez hitz probableena aurreikusteko, eta horrela giza diskurtsoa zehaztasun harrigarri batez errepikatzea lortzen dute.
Hala ere, askotan, eredua prestatzeko erabiltzen diren testu horiek guztiak, hala nola liburuak edo prentsa-artikuluak, copyrightak babesten ditu, eta gero eta egile eta konpainia gehiagok eskatzen dute bere obra erabiltzearen truke ordaina.
Hilaren hasieran, OpenAIk (Microsoft da haren inbertitzaile nagusia) akordio bat lortu zuen Axel Springer enpresarekin (Politico, Business Insider edo Bild hedabideak argitaratzen ditu), edukia prezio baten truke erabiltzeko.
Zure interesekoa izan daiteke
AEBk ofizialki onartu du "espazioa kontrolatzeko" armak zabalduta dituela orbitan
AEBko agintariek azpimarratu dute gaitasun horrek herrialdea "defendatzeko" aukera ematen duela, euren "aurkako erasoen" aurrean.
AAren arriskua "gezurra" dela esan du Trumpek, eta klima aldaketaren "iruzurraren" pare jarri du
"Duela gutxi esaten zuten mundua desagertuko zela 'klima aldaketagatik'. Gezur horrek ez zien inoiz funtzionatu, eta orain hurrengoaren bila doaz", adierazi du AEBko presidenteak.
Nazio Batuen Erakundeak adimen artifiziala gobernatzeko eskatu die Estatuei eta enpresei: "Giza eskubide guztiak arriskuan daude"
Anthropic, OpenAI eta Google AA autoerregulatzeko segurtasun erakunde bat sortzea aztertzen ari dira, The Washington Post egunkariaren arabera. Donald Trumpek adierazi duenez, berriz, "AAk behar duen kontrol edo segurtasun mekanismo bakarra ni bezalako presidente indartsu eta argia da".
Eskoziak, Galesek eta Ipar Irlandak akordio historiko bat sinatu dute autodeterminazioaren alde
Cardiffen, Galesko hiriburuan egindako bileran independentziari buruzko erreferendumaren alde egiteko estrategia bateratua iragarri dute hiru buruzagiek.
Zentro-ezkerreko oposizioak garaipen estua lortu du Suedian, baina emaitza ez da ziurra oraindik
Hiru eserlekuren aldea baino ez du, 176 173ren kontra, eta ostiralerako espero da behin betiko emaitza, atzerritik iritsitako botoak zenbatuta. Ultraeskuinak indarra galdu du, eta Alderdi Kontserbadorearen atzetik geratu da.
Eskozia, Gales eta Ipar Irlandako liderrek independentziaren aldeko memorandum bat sinatuko dute gaur
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Zentro-ezkerreko oposizioko blokeak irabazi ditu Suediako hauteskundeak, inkesten arabera
Zentro-ezkerrak botoen % 51,3 eskuratu ditu eta Ulf Kristersson lehen ministro kontserbadoreak, berriz, % 46,8, SVT telebista publikoak egindako inkesta baten arabera.
AEBko Kongresuko demokratek IAren garapena geldotu nahi dute, sektoreko buruen alarmaren ostean, baina Trumpek esan du ez dela "gertatuko"
Asteartean bilera egingo dute Behe Ganberako demokratek, eta bertan "lehentasun garrantzitsu bat adimen artifizialaren inguruko ekintza izango da", aurreratu dute.
500 kolono israeldar inguru sartu dira Al Aksa meskitara juduen Urteberriko ospakizunetan
1967tik indarrean dagoen statu quoaren arabera (Israelek Ekialdeko Jerusalem okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.