Israeli arma-enbargoa ezartzea proposatu dio Borrellek AEBri: "Hitzez harago, ekin egin behar da"
Josep Borrell Europar Batasuneko Atzerri Politikarako goi-ordezkariak astelehen honetan adierazi duenez, Israelek Gazako hegoaldean egiten dituen operazioak "gehiegizkoak" dira eta arriskuan jartzen dute milioika palestinarren egoera humanitarioa. Ildo horretan, AEBk Israeli arma-enbargoa ezartzea jarri du mahai-gainean, Zerrendan hildakoen kopurua jaitsi dadin: "Kezka agertu baino zerbait gehiago egin behar da".
Bruselatik egindako adierazpenetan, Philippe Lazzarini Nazio Batuen Errefuxiatu Palestinarrentzako Agentziako (UNRWA) komisionatu nagusiak parte hartuko duen Lankidetza ministroen bilera batean, diplomazia europarraren buruak arreta jarri du Rafahko egoeran, Israelgo azken operazio militarren agertokian, Zerrendaren hornidurak kolokan jarri eta egoera humanitario larriaren hondamena ekarri baitute.
"Nire galdera da: hitzez gain, zer uste dugu egin behar dugula? EBn uste dugu hildakoen balantzea altuegia dela, ba al dago murrizteko aukerarik? EBk ez du armarik bidaltzen, beste batzuek egiten dute. Eta hildakoen balantzea oso altua dela uste baduzu, agian zerbait egin dezakezu hori jaisteko", ziurtatu du, Washingtonek adierazitako kezkei erreferentzia eginez.
Goi-ordezkariak berretsi du Israelen aurkako presioari eutsi behar zaiola Zerrendaren hegoaldeko operazioak eten ditzan, Egiptorekin ere tentsioa sortzen baitu.
Ildo horretan, ohartarazi du palestinarrak ezin direla Rafah ingurutik atera. "Giltzapetuta daude, ihes egiteko aukerarik gabe bonbardatzen ari dira", adierazi du. "Ebakuatu egingo dituzte, bale, nora? Ilargira? Nora eramango dute jende hori? ", esan du Europako diplomaziaburuak.
Bestalde, Borrellek esan du Europako Batzordeak UNRWAri funtsak mantenduko dizkiola erakundeak ireki duen ikerketak irauten duen bitartean. Gainera, NBEren agentziaren aurkako akusazioak egiaztatzeko frogak aurkezteko eskatu dio Israeli.
Nolanahi ere, Bruselak otsailaren amaierara arte ez dio ordainketarik egin behar agentziari, eta, duela bi aste argitaratutako ohar batean, Batzordeak ziurtatu zuen erabaki bat hartuko zuela UNRWAk abiatutako ikerketaren arabera.
Zure interesekoa izan daiteke
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute andrea, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.