Israelek Sanchezi: "Palestinako Estatua aitortzea terrorismoa saritzea litzateke"
Israelgo Atzerri Ministerioak gogor egin du Pedro Sanchez Espainiako Gobernuko presidentearen kontra, azken horrek Palestinako Estatua aitortzeko asmoa agertu eta gero. Tel Aviven arabera, hori egitea "terrorismoa saritzea da".
"Urriaren 7ko sarraskiaren ostean halako aitortza bat egiteak Hamasi eta Palestinako gainerako erakunde terroristei mezu jakin bat bidaltzen die, israeldarren kontrako eraso terrorista hiltzaileak palestinarren aldeko keinu politikoekin sarituko direla", adierazi du Lior Haiat Atzerri Ministerioko bozeramaileak izenpetutako ohar batek.
Sanchezek martxo hasieran esan zuen legealdi honetan Palestinako Estatuari aitortza egingo ziola. Gainera, ostiralean Irlandako, Maltako eta Esloveniako lehen ministroekin bildu zen Bruselan, eta ondoren adierazpen bateratua atera zuten laurek "Palestina aitortzeko prest" zeudela esanez.
Israelgo bozeramailearen aburuz, "Palestinako terrorismoaren aurka borrokatzeko modu bakarra Hamas gaitzestea da urriaren 7an egin zituen eta egiten jarraitzen dituen gerra krimen eta gizateriaren kontrako krimenengatik, eta hark bahitutako guztiak aske uzteko eskatzea".
"Bi aldeen arteko negoziazioekin konponduko da gatazka", erantsi dute agirian. Horren ildoan, eta Israelen ustez, Europako hainbat herrialdek azaldutako asmoak "gatazka urrundu eta eskualdean ezegonkortasuna areagotu baino ez du egingo".
Europar Batasuneko bederatzi herrialdek diote aitortuta Estatu izaera Palestinari: Bulgaria, Zipre, Eslovakia, Hungaria, Malta, Polonia, Txekiar Errepublika eta Errumania. Denek 1988an egin zuten aitortza. XXI. mendean, zehazki 2014an, Suediak eman zuen pausoa. Halaber, beste 13k (tartean Espainia) bulego diplomatikoa dute Ekialdeko Jerusalemen edo Ramallahn.
Espainia "herrialde subiranoa" dela erantzun dio Espainiako Gobernuak Israeli, erabakiak Nazioarteko Zuzenbidearen arabera hartzen dituena
Espainiako Gobernuak Israelek egindako kritikei erantzun die, Espainia "herrialde subiranoa" dela eta bere erabaki guztiak Nazioarteko Zuzenbideak ezarritakoaren arabera hartzen dituela adieraziz. Gogorarazi duenez, Espainiako Gobernuak "behin eta berriz eta irmotasun osoz gaitzetsi ditu Hamasen atentatu terroristak, eta Nazioarteko Zuzenbide Humanitarioa errespetatzeko deia egin du".
Halaber, iturriek argi utzi nahi izan dute "Israel Espainiaren lagun den herrialdea" dela, eta berretsi dute Palestinaren eta Israelen arteko gatazkari dagokion guztian "Espainiak bakea, egonkortasuna eta segurtasuna sustatzeko soilik" jarduten duela.
Jordanian eta Egipton egin berri duen biran, Jose Manuel Albares Atzerri ministroak adierazi du legegintzaldi honetan Palestina aitortzeko asmoa, Pedro Sanchez Gobernuko presidenteak adierazitakoa, Israelen onerako ere badela.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.