Albiste izango dira: Gaza, erabat isolatuta, Cebeken 125. urteurrena eta su olinpikoa Frantzian
Honako gai hauek hartuko dituzte gaur, 2024ko maiatzaren 8an, hedabideetako lerroburu nagusiak:
- Gaza, erabat isolatuta: Israelek Rafah Egiptorekin lotzen duen pasabidearen kontrola hartu ostean, Gaza erabat isolatuta gelditu da. Muga guztiz itxita dago, bai pertsonentzat eta baita laguntza humanitarioarentzat ere. Ondorioz, kamioiak mugaren alde banatan pilatu dira. Bien bitartean, Israelek eta Hamasek su etena negoziatzen jarraituko dute, Egiptoren, Qatarren eta Ameriketako Estatu Batuen bitartekaritzarekin.
- Cebeken 125. urteurrena: Bizkaiko patronalak batzar nagusia egingo du Euskalduna jauregian, 09:30ean hasita. 11:00etan enpresarien arteko topaketa egingo da eta ondoren Cebek sariak banatuko dira. Segidan, 125. urteurrena oroitzeko bideo bat erakutsiko dute eta amaiera Carolina Perez Toledo Cebekeko presidenteak eta Iñigo Urkullu jarduneko lehendakariak hitzaldia eskainiko dute.
- Su olinpikoa Frantzian: Itsasoz iritsiko da su olinpikoa Frantziara, Marseillara, hain zuzen ere. Itsasoz helduko da eta Emmanuel Macron Frantziako Gobernuko presidentea bertan egongo da zain. Bertako agintarien arabera, 150.000 lagun elkartuko dira aipaturiko hiri horretan zuzi olinpikoari harrera egiteko.
Zure interesekoa izan daiteke
7,8 graduko lurrikara bat izan da Filipinetan, eta 14 hildako eragin ditu
Agintariek kostaldeko hainbat eremu zaintzen jarraitzen dute, eta bitartean bilaketa lanak eta kalteen ebaluazioak egiten dihardute.
Israelek eta Iranek elkarri eraso egin diote berriro
Israelgo Armadak Irango "helburu militarrei" eraso egin die, Trumpek Netanyahuri horrelakorik ez egiteko eskatu arren. Iranek misilak jaurti ditu Israelen kontra eta sirena hotsak entzun dira berriro Tel Aviven eta Jerusalemen.
Kurti lehen ministroaren alderdiak irabazi ditu berriz ere hauteskundeak Kosovon
Albin Kurti jarduneko lehen ministro nazionalistaren Autodeterminazioa alderdiak argi eta garbi irabazi ditu hauteskundeak, baina ez du bakarrik gobernatzeko gehiengorik lortu.
Israelek Beiruti eraso dio berriro, Trumpek ez egiteko exijitu zion arren, eta Iranek Israelen aurka misilak jaurtiz erantzun du
Gutxienez bi pertsona hil eta 20 zauritu dira Israelen erasoan. Erantzun gisa, Iranek misilak jaurti ditu gaur gauean Israelen aurka. Irango Armadak dio Israelek erasoei erantzuten badie "erantzun suntsitzailea" emango dutela. Trumpek iragarri du Netanyahuri deituko diola erantzun ez dezan.
Paxinianek irabazi ditu Armeniako hauteskundeak, inkesten arabera
Galdeketa batzuek gehiengo osoa eman diote egungo lehen ministroari; beste batzuek, berriz, garaipen estuagoa aurreikusi dute, eta oposizioko alderdi nagusitik puntu gutxira kokatu dute.
Israelgo Armadak ikerketa abiatu du Zisjordanian soldadu batek haurtxo bat tiroz hil ostean
Hain zuzen ere, Sam Fahd Abu Haikal zazpi hilabeteko haurtxoaren hilketa ikertuko dute. Tel Rumeida inguruan, Hebronen, egin zioten eraso, gurasoekin autoan zihoala.
Fujimori eskuindarra eta Sanchez ezkertiarra, Peruko Presidentetza lortzeko lehian
27,3 milioi perutar baino gehiago daude botoa ematera deituta. Mende laurden gobernutik urrun eman ostean, fujimorismoa boterera itzuliko den ala ez erabakiko dute hauteskunde hauetan.
Gutxienez hamabi pertsona zauritu dira Ohion izan den tiroketa batean
Gutxienez hamabi pertsona zauritu dira (horietako bi larri daude) Ohioko Toledo hirian izan den tiroketa batean. Aire zabaleko jaialdi batean izan da tiroketa, eta Polizia erasotzaileen bila ari da. Ikerketa hasi dute gertatutakoa argitzeko.
Errusiak 12 pertsona hil ditu Donetsken eta Khersonen, eta 272 drone jaurti ditu Ukrainaren aurka
Azpiegitura energetikoei ere eraso die, eta, ondorioz, etenak izan dira hornidura elektrikoan.
Raul Castro jendaurrean agertu da berriro
Raul Castro Kubako presidente ohia jendaurrean agertu da berriro, 95 urte bete dituela-eta egin dioten omenaldian. AEBk maiatzaren 20an inputatu zuenetik egin duen lehen agerraldia izan da. 1996an nazioarteko uretan bi hegazkin zibil eraisteagatik inputatu dute.