Hil egin da duela bi hilabete genetikoki eraldatutako txerri baten giltzurruna transplantatu zioten gizona
Richard Slayman, genetikoki eraldatutako txerri baten giltzurruna transplantatu zioten lehen pertsona, 62 urte zituela hil da, xenotransplantea jaso eta ia bi hilabetera. Pazientearen familiak eta Massachusettseko Ospitale Nagusiak jakitera eman dutenez, atzo hil zen. Ospitaletik igorritako oharraren arabera, baina, ez dago zantzu nahikorik heriotza transplantearen erruz gertatu dela esateko.
Ezustekoa izan da. Izan ere, ebakuntzaren ostean, xenotransplanteak gutxienez bi urte irautea espero zutela iragarri zuten medikuek. 62 urteko pazienteak giltzurrunetako gaixotasun bat zeukan, fase terminalean, eta, hori dela eta, baiezkoa eman zion genetikoki eraldatutako txerri baten giltzurruna jasotzeari, lehendabizikoz, zientzia eta osasun arloan aukera berriak irekitzeko itxaropenez.
Martxoaren 16an egin zioten ebakuntza, eta lau ordu iraun zuen. "Lehen mailako mugarria da, gaixo daudenentzako organoak bilatzeko modu azkar bat izan baitaiteke", esan zuten orduan medikuek.
69 genoma aldatu zizkioten txerri giltzurrunari, CRISPR-Cas9 teknologia erabilita, kaltegarriak izan daitezkeen txerri geneen ordez giza geneak txertatzeko, hartzailearen gorputzak onar zitzan. Gainera, erretrobirus endogenoak desaktibatu zituzten, infekziorik egon ez zedin.
Massachusettseko eGenesis enpresak eman zion aipatu ospitaleari txerri emailea, transplanteetan eta animalien geneen aldaketan espezializatutako bioteknologia enpresak.
Slaymanek 2 motako diabetesa eta hipertentsioa izan zituen urte askoan. Horregatik, 2018an giltzurrunetako lehen transplantea egin behar izan zioten, baina handik bost urtera giltzurrun berriak arazoak eman zizkion, eta dialisira bueltatu behar izan zuen. Horrek arazo baskularrak ekarri zizkion, eta bi astetik behin ospitalera joan behar izaten zuen, azterketa medikoa egitera. Ebakuntza hori irtenbidea izateko itxaropena zuen, baina ez du zorterik izan.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.