Gutxienez 147 kazetari eta hedabideetako langile hil ditu Israelek Gazan, zazpi hilabeteko erasoaldian
Gutxienez 147 kazetari, kamerari eta komunikabideetako langile erail dituzte, horietako asko freelance-ak, Gazako Zerrendaren aurkako zazpi hilabeteko erasoaldian, Gazako Gobernuak zabaldutako zerrendaren arabera.
"Israelgo okupazio-armadak hil ditu heroi horiek, palestinarren narratiba ilundu eta egia ezkutatzeko ahaleginean. Baina okupazioak ez du gure herri handiaren borondatea haustea lortu", adierazi du ostiral honetan Gobernu gazatarraren hedabideen bulegoak.
Bestalde, New Yorken egoitza duen Kazetarien Babeserako Kontseiluak (CPJ) baieztatu duenez, gutxienez 105 kazetari eta hedabideetako langile hil dituzte (tartean 100 palestinar, bi israeldar eta hiru libanoar) Gazan, dagoeneko 35.000 hildako baino gehiago eragin dituen erasoldian.
Gainera, Botere Judizialaren Kontseilu Nagusiak ziurtatu duenez, gutxienez 4 kazetari daude desagertuta, 16 zaurituta eta 25 atxilotuta; eta "senideek eraso, mehatxu, zibereraso, zentsura eta hilketen etengabeko sufrimendua" jasaten dutela salatu du.
Gainera, Israelgo Gobernuak galarazi egiten du Gazako Zerrendan nazioarteko prentsa sartzea, Hamasek urriaren 7an egindako erasoaz geroztik. Inoiz, Armadarekin batera sartzen utzi izan die, hitzartutako eta mugatutako bisita laburretan.
Gerra honi buruz informatzen hasi ziren kazetari gazatar askok ihes egin dute Gazatik, bertan ez baita leku segururik, eta horrek zaildu egiten du informazioa tokian bertan eskuratzea.
Gainera, maiatzaren hasieran, Israelek debekatu egin zion Al Jazeera kateari herrialdean lan egitea, Gazari buruzko informazioa kontrolatzeko helburuz.
Zure interesekoa izan daiteke
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.