Israelek berriro bonbardatu ditu Rafahko errefuxiatuen kanpalekuak, nazioartearen presioei entzungor eginda
Nazioartearen kritika eta presioei entzungor, Israelek bigarrenez eraso die bart Rafahn (Gaza hegoaldea) errefuxiatuentzat paratutako kanpalekuei. Gutxienez 16 lagun hil dira erasoetan. Atzo 50 palestinar, gehienak zibilak, hil zituen Israelek Tal al Sultango kanpalekuan, Rafahko ipar-mendebaldean.
Rafahtik bertatik EFE albiste agentziak jaso duen informazioaren arabera, zazpi pertsona hil dira Al Hashash inguruan, eta beste zazpi Al Barakasat errefuxiatuen kanpalekuan (Rafahren ipar-mendebaldea), UNRWA NBEren agentziaren babeslekuetatik gertu. Gainera, 10 urteko haur bat eta adineko gizon bat zendu dira artileriarekin egindako erasoetan, Rafahn hori ere. Tal al Sultan kanpalekuan, ustez "gune segurua" zen horretan, bonbardaketa gogorrak egin ditu Israelek, betiere iturrien arabera.
Gaza iparraldean ere izan dira erasoak, eta bertan beste sei pertsona hil direla jakinarazi dute. Indonesiako Ospitaleari eraso dio Israelek, eta bertako mediku bat zauritu du.
Mugarik gabeko Medikuak gobernuz kanpoko erakundeak jakinarazi duenez, erasoetako batzuk euren larrialdietarako zentrotik (han dituzte larri zauritutakoak) gertu jazo dira, eta osasun langileen sartu-irtena eragotzi da.
UNRWAren arabera, milioi bat pertsonak egin dute ihes eremutik Israelek Rafahren kontrako erasoaldia abiatu zuenetik. Hiriko mendebaldetik ere joan beharrean daude orain, bonbardaketak tarteko.
Asteleheneko bonbardaketak haserrea eta gaitzespena eragin ditu mundu zabalean, eta CNN telebista kateek iturri diplomatikoak aipatuta zabaldu dutenez, NBEren Segurtasun Kontseiluak urgentziazko bilera egingo du, Aljeriak eskatuta.
Israelgo Armadak Tal al Sultango kanpalekuaren kontrako atzoko erasoaldia baieztatu zuen, eta bonbek eta piztutako suteek "erasoaldiaren jomuga ez ziren beste pertsona batzuk" zauritu zituztela. Iragarri duenez, ikerketa abiatu du "oso larria" den gertakaria argitzeko.
Tel Aviv gero eta isolatuago dago, Europar Batasunak berak, lehen aldiz, errepresaliak hartzeko aukera mahai gainean jarri ostean, Israelek Nazioarteko Auzitegiaren aginduak betetzen ez baditu. Gogora ekarri behar da Hagako Auzitegiak Rafahren kontrako erasoaldia gelditzeko agindu ziola joan den astean.
Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.