Joe Bidenen semea erruduntzat jo dute armak legez kanpo edukitzeagatik
Delaware estatuko epaimahai batek Hunter Biden, Joe Biden, Ameriketako Estatu Batuetako (AEB) presidentearen semea, erruduntzat jo du, drogak kontsumitzen zituen garaian arma bat izateagatik. Hunter presidentearen lehen emaztearen semea da, Neilia Biden zenarena.
Maryellen Noreika epaileak zigorraren berri eman beharko du orain, baina oraingoz ez du zehaztu noiz emango duen, NBC Newsen arabera. Egozten zitzaizkion hiru delituetatik bik gehienez hamar urteko espetxe-zigorra dute; hirugarrenak, berriz, bost urte artekoa.
Adituek ez dute aurreikusten 25 urteko kartzela-zigorra ezarriko diotenik, aurrekaririk ez duen heinean, nahiz eta epaia bera AEBko historian inoiz ikusi ez den gertakari bat izan; izan ere, inoiz ez diote delituengatik zigortu jarduneko presidente baten zuzeneko senide bati.
Hunter Biden hiru kargurengatik inputatuta zegoen, arma bat edukitzeagatik, Colt Cobra errebolber bat, hain zuzen ere, 2018an hura erosteko formularioa faltsutu eta saltzaileari gezurra esateagatik.
Epaiketa duela astebete pasatxo hasi zen Wilmingtonen (Delaware), eta saioetan Kathleen Buhle emazte ohiak, Hallie Biden koinata eta maitale ohiak eta Naomi Biden alabak deklaratu zuten, akusazioaren eta defentsaren abokatuek astelehenean azken alegatuak eman aurretik, zinpekoak konbentzitzeko azken ahaleginean.
Epaiketan zehar, Joe Biden ez da auzitegira joan, baina lehen dama, Jill Biden, joan den astelehenean egon zen epaimahaiaren aukeraketan, eta gaur ere bai, Melissa Cohen-Biden Hunterren emaztearekin eta Ashley Biden ahizparekin batera.
Hunter Bidenen aurkako karguak 2018an Donald Trumpen Gobernuan (2017-2021) ireki zen ikerketa baten emaitza dira, eta agintari ohiak berak, azaroko hauteskundeetarako presidentegai errepublikanoak, Bideni eraso egiteko erabili du.
Hunter Bidenek beste epaiketa bat du zain Kalifornian, zergetan 1,4 milioi dolar ez ordaintzea leporatzen diotelako.
Zure interesekoa izan daiteke
Gutxienez zortzi pertsona hil dira Gazan uholdeek eragindako hipotermien ondorioz
Nazio Batuen Erakundearen arabera, 800.000 pertsona inguru goseak eta hotzak jota bizi dira Palestinan. Gainera, euri-jasek hainbat pertsona kaltetu dituzte, horietako asko gaixorik eta osasun arazo larriekin.
Gutxienez 11 pertsona hil dira Gazako Zerrendan, hotzaren eta euriteen ondorioz
Euriteen ondorioz horma eta etxebizitza asko behera etorri dira, hainbat pertsona azpian harrapatuz. Gainera, urak kaleak eta kanpin-dendak hartu ditu. Errefuxiatuentzako Nazio Batuen Agentziak eta Gazako Gobernuak gaixotasunak eta infekzioak areagotzeko arriskuaz ohartarazi dute.
Milaka pertsonak lan erreformaren aurkako protesta egin dute Portugalen, azken 12 urteotako lehen greba orokorrean
Sindikatuen arabera, hiru milioi pertsonak baino gehiagok bat egin zuten greba orokorrarekin -5,1 milioi langile daude-, eta Portugalen "inoiz egin den grebarik arrakastatsuenetakoa" izan zela adierazi dute. Portugalgo patronalaren arabera, grebak porrot egin du eta langileen % 3 bakarrik geratu dira etxean.
Adimen artifizialari "gehiegizko" mugak ezartzen dizkioten legeak blokeatzeko agindu exekutiboa sinatu du Trumpek
Horren harira argitaratutako testuaren arabera, Trumpen Administrazioak Kongresuarekin elkarlanean aritu behar du nazio mailako arau irmo bat bermatzeko, eta "bat ez datozen estatu mailako 50 arau ezberdin saihesteko".
Zelenskik bake planaren bertsio berria proposatu du eta Donbasen subiranotasunari buruzko erreferenduma defendatu du
Ukrainako presidentearen arabera, Indar Armatuek 800.000 soldadu izango dituzte.
AEBk Venezuelako kostaldean petrolio-ontzi bat konfiskatu dute
Ameriketako Estatu Batuek petrolio-ontzi bat atzeman eta konfiskatu dute Venezuelako kostaldean, Washington abuztutik Kariben egiten dabilen itsas hedapen militarraren barruan. Caracasek "lapurreta lotsagabea" dela esan du, eta atzerriko instantzien aurrean "nazioarteko krimen larria" salatuko duela iragarri du.
2,5 milioi lagun baino gehiago deportatu dituzte edo beren borondatez alde egin dute AEBtik 2025ean
Estatu Batuetako agintariek "sekulako lorpentzat" jo dute, Trumpek martxan jarritako migrazio politika gogorren baitan, "deportazioak arintzeko" dozenaka epaile izango direla iragarri eta egun gutxira.
Venezuela-Curaçao-AEB-Norvegia: Bakearen Nobel saria jasotzeko Machadoren odisea
Azken asteetan hainbat hipotesi zabaldu ziren Machado Oslora saria jasotzeko iritsiko ote zen, oposizioburua ez baita joan den urtarriletik jendaurrean agertu izan, eta Nicolas Maduroren Gobernuaren zaintzari iskin egitea ez baita erraza.
Maria Corina Machado jendaurrean agertu da Oslon, hainbat hilabetez ezkutuan egon ostean
Urtarriletik publikoki agertu gabe egon ondoren, Venezuelako oposizio burua hoteleko balkoira atera da, Oslon, jarraitzaileak agurtzera.
Machadoren jarraitzaileek zuzien prozesioan parte hartu dute
Asteazken arratsaldean, Maria Corina Machado Venezuelako oposizioko kidearen jarraitzaileek Osloko erdigunea zeharkatu duen zuzien prozesio tradizionalean parte hartu dute, sarituak ostatu hartu behar zuen hotelaren aurrean amaitu arte.