Jean-Luc Melenchon: "Macronek Fronte Popular Berriari egin behar dio gobernua osatzeko deia"
Jean-Luc Melenchon Fronte Popular Berriko buruzagiak Emmanuel Macron presidenteari gobernua osatzeko ardura emateko eskatu dio igande honetan, Frantziako hauteskundeen bigarren itzulian ezkerreko koalizioak garaipena lortu ostean.
Macronek "Fronte Popularrari gobernatzeko deia egin behar dio", adierazi du Melenchonek Parisen bildutako jarraitzaileen aurrean. "Lehen ministroak alde egin behar du" eta Macronek "amore eman eta porrot hori onartu behar du, iskin egiten saiatu gabe". "Presidenteak du boterea, eta hark du Fronte Popularrari Gobernatzeko agidua emateko betebeharra ere", esan du buruzagi ezkertiarrak.
Melenchonek "lasaitu handia" hartu duela azpimarratu du, Bilgune Nazionala eskuin muturreko alderdiak aringarririk gabeko porrota izan duelako. "Gaur arratsaldean Bilgune Nazionala gehiengo osoa izatetik urrun dago (...). Gure herriak, argi eta garbi, irtenbiderik txarrena baztertu du. Gure herriak kontzientzian bozkatu du. Halegina eta mobilizazioa txalotzen ditut", azpimarratu du.
Hauteskunde osteko balizko akordioei dagokienez, Macronek gidatzen duen zentrismoarekin itunak egiteko aukera erabat baztertu du Melenchonek. "Konbinazioen izenean alderdiarekin negoziazioak hasteari uko egin diogu, batez ere zazpi urtez tratu txar sozialen politika gupidagabe kritikatu ondoren", argudiatu du. "Lezioak argiak dira: Errepublikako presidentearen porrota argi eta garbi baieztatu da", gaineratu du.
"Hautestontziek erabaki dute. Herri Fronte Berria gobernatzeko prest dago. Bere kideek, ezker batuak, egoera historikoak eskatzen zuen neurria eman dute eta herrialdeari jarri zaion tranpa zapuztu dute. Beste behin ere, Errepublika salbatu dute", gaineratu du.
Ultraeskuindarrek aurrerapausotzat jo dituzte emaitzak
Bilgune Nazionalaren izenean, Jordan Bardella presidenteak Fronte Popularrari garaipena eman dioten aliantza politiko "antinaturalak" kritikatu ditu.
"Gaur arratsaldean, hauteskunde-akordio hauek Jean-Luc Melenchonen ezker muturraren eskuetan utzi dute Frantzia", salatu du Bardellak bere jarraitzaileen aurrean. "Aliantza politiko antinatural" horiek "frantsesei politika ezberdin bat askatasunez aukeratzea galaraztea" zuten helburu, gaineratu du. Horren ildotik, ziurtatu du, bere alderdiarentzat "inoizko aurrerapausorik handiena" direla emaitzak.
Bardellak ziurtatu du bere alderdiak "inoiz baino gehiago" gorpuzten duela "alderdi bakarrari" aurre egiten dion "alternantzia bakarra". Kritika zorrotzenak, hala ere, Macroni zuzendu dizkio, "herrialdea ziurgabetasunera eta ezegonkortasunera bultzatu ez ezik, eros-ahalmenaren krisiaren erdian, eguneroko zailtasunei erantzunik ematen ez baitu jakin".
Marine Le Pen Frantziako buruzagi ultraeskuindarrak bere alderdiaren porrota deitoratu du, baina botoak bikoiztu dituztela nabarmendu du, eta, beraz, emaitzek "etorkizuneko garaipenaren oinarriak jartzen" dituztela. Le Penek ez du Emmanuel Macron presidentearen dimisioa eskatu, nahiz eta harentzat "porrota" izan den emaitza.
Proiekzioen arabera, Fronte Popular Berria da diputatu gehien lortuko dituen alderdia (187-199), ondoren Macronen Elkarrekin Errepublika (164-169 diputatu) eta Bilgune Nazionala (135-143 diputatu). Asanblea Nazionalak 577 eserleku ditu, eta beraz, gehiengo osoa 289koa da.
Zure interesekoa izan daiteke
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.