Netanyahuk dio ezin dutela ziurtatu jopuntu zituzten Hamaseko buruzagiak gaur goizeko erasoan hil direnik
Benjamin Netanyahu Israelgo lehen ministroak larunbat honetan adierazi duenez, "oraindik ez dago argi" Mohamed Deif Hamaseko buruzagi militarra eta haren bigarrena, Rafaa Salameh, Mawasin hil ote diren, goizean egindako eraso batean. Misilek bete-betean jo dute Mawasiko gune humanitarioa.
"Oraindik ezin dugu baieztatu Mohamed Deif eta haren albokoa, Rafaa Salameh, hil direnik, baina Hamaseko buruzagitzara modu batera edo bestera iritsiko garela berma dezaket", adierazi du Netanyahuk martxotik egindako lehen agerraldi ofizialean. Hamaseko buruzagi guztiak, "lehenengotik azkenera", jomugan dituztela azaldu du.
Netanyahuk nabarmendu duenez, Deif "urriaren 7ko sarraskiaren liderretako bat da", erasoaren "arkitektoa". "Horren eskuak israeldar askoren odolarekin zikinduta daude", esan du.
Israelgo agintariak Defentsa Ministerioaren egoitzan egin du agerraldia, Tel Aviven. Horren hitzetan, erasoa egiteko baimena eman zuen, inguruan bahiturik ez zegoela ziurtatu ostean, eta izan zitezkeen albo-kalteen eta erabiliko ziren bonba-motak zeintzuk izango ziren jakin ostean.
Netanyahuren esanetan, erasoa posible izan da erasoaldiari eta inteligentzia zerbitzuen lanari goizegi amaiera emateko presioa saihestu dutelako.
"Gerra" horren helburu ukaezinak berretsi ditu Netanyahuk: "Hamas suntsitzea, bahituak askatzea" eta Gazatik etor daitekeen edozein mehatxu saihestea.
Agintariaren ustez, operazio hori, gainera, disuasio-mezua da Iranentzat, urriaren 7tik "Israelek pairatzen duen mehatxu existentzialaren aurrean". Hamasen aurkako garaipena "ezinbesteko baldintza da Iranen ardatza garaitzeko, gaizkiaren ardatza bere osotasunean garaitzeko".
Hamasek esan du Deif bizirik dagoela
Khalil Al-Hayya Hamaseko buruzagiaren ondokoak Al Jazeera telebistari adierazi dionez, Israelen arabera Mawasiko erasoaren jomuga zen Mohamed Deif ez dago hilda. "Netanyahuri esaten diogu Mohamed Deif bera entzuten ari dela une honetan, eta bere gezurrez trufatzen", adierazi du Al-Hayyak.
Zure interesekoa izan daiteke
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezen eskaeraren eta Europako beste 22 liderrek sinatutako gutunaren ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenek dio Europako mugen kontrola "are gehiago indartu behar dela"
Europako Batzordeko presidenteak ohartarazi duenez, "adi egon behar dugu sarrera-gune kritiko guztietan, eta agintari guztien arteko koordinazio estua mantendu". Era berean, “ikasgaien azterketa-prozesu bat" egitea eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.