Venezuelak hautetsontzietan erabakiko du Maduro berrestea edo presidente berria aukeratzea
06:00etan ireki dituzte Venezuelako hauteslekuak, Euskal Herrian 12:00ak zirenean, Nicolas Maduro presidente berresteko edo Edmundo Gonzalez agintean jartzeko.
Gonzalezen garaipen batek Miraflores Jauregiko ateak irekiko lizkioke oposizioari, Hugo Chavezen Bolibartar Iraultzaren garaipenetik 25 urtera. 14 urtez gobernatu zuen herrialdea ondoren, 2013an hil zen arte. 70 urte beteko zituen gaur bertan.
Hauteskunde Kontseilu Nazionalak agindu bezala, hauteskunde hauetarako atondutako 15.767 hauteslekuetako batzuk aurreikusitako orduan ireki dituzte.
Venezuelarrek ilara luzeak egin dituzte bozkalekuen kanpoaldean, herrialdearen barnealdeko zenbait eskualdetan, eta horietako batzuetan hautesleak larunbat gauetik izan dira zain.
Araudiaren arabera, 30.000 hauteskunde-mahai baino gehiago egongo dira irekita 12 orduz, etenik gabe, eta hautesleak ilaran botoa emateko zain dauden bitartean ez dituzte itxiko.
Presidentegaiak hauteskunde libre eta bidezkoak agindu ditu, eta, horren esanetan, "legeak, erakundeek, borondateak eta subiranotasun nazionalak irabaziko dute", hauteskunde eguna "bedeinkatua" baita.
Madurok hautetsontziak ireki baino 20 minutu lehenago iragarri du "Chavezen egun polita, herriarena, Bolibartar Iraultzarena eta bakearen garaipenarena" izango dela gaurkoa. Bozkatzera joan denean, Madurok emaitzak errespetatuko dituela hitzeman du, eta hala egiteko eskatu die gainerako alderdi eta hautagaiei ere:
Chavismoak emaitzak onartuko ditu Nicolas Maduro hautagaiak igande honetan hauteskundeak galduz gero, Diosdado Cabello Venezuelako Alderdi Sozialista Batuko (PSUV) lehen presidenteordearen hitzetan.
Maria Corina Machado oposizioko buruak (Hauteskunde Kontseilu Nazionalak inhabilitatu egin du) "indarrez, pozez eta konbentzimenduz" bozkatzeko deia egin du, eta "ereserki nazionala mundu osoan entzutea" nahi duela adierazi du. "Lortuko dugu", idatzi du X sarean.
Oposizioaren hautagaiak ere botoa eman du, eta boto-paper guztiak defendatuko dituztela ziurtatu du.
1.280 venezuelar daude botoa ematera deituta Bilboko hauteslekuan
Bestalde, Euskal Herrian eta inguruetan bizi diren 1.280 venezuelar daude botoa ematera deituta Bilboko hauteslekuan.
Venezuelarren plataformak salatu duenez, 25.000 izan beharko lirateke, eta nazioartearen babesa eskatu dute botoen zenbaketa ziurtatzeko eta emaitzak bermatzeko.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.