Hamasek ordezkaritza bat bidali du Kairora, su-etenerako negoziazioen une garrantzitsu batean
Gazako su-etenerako elkarrizketetan une garrantzitsu batean, Hamas mugimendu palestinarrak ordezkaritza bat bidali du Egiptoko hiriburura, Kairora. Hala ere, bileran parte hartzeko asmorik ez duela argitu du, eta elkarrizketen ondorioak entzutera baino ez doala.
Izzat Al Rishq Palestinako mugimenduaren bozeramaileak egin du iragarpena, eta zehaztu du ordezkaritza gaur gauean iritsiko dela hirira, Jalil al Haya mugimenduaren arlo politikoaren presidenteordea buru dela.
Ameriketako Estatu Batuak (William Burns Inteligentzia Agentzia Zentraleko zuzendaria eta Brett McGurk Ekialde Hurbilerako Segurtasun Nazionaleko Kontseiluko ordezkaria tartean) eta Qatar eta Egipto ere ari dira elkarrizketetan parte hartzen, azken hori herrialde anfitrioi gisa.
Aurretik, Hamasek jakinarazia zuen ez zela Kairoko elkarrizketetan izango, "negoziazio sorta berriekin jarraitu beharrean" aurretik adostutakoa bultzatzeko deia egin zuen.
Hamaseko bozeramaileak orain berretsi duenez, taldea "bake akordio bat onartzeko prest dago", uztailaren 2an proposatutako baldintzetan oinarrituta. Baldintza horiek bat zetozen Joe Biden AEBko presidenteak ekainean egindako proposamenarekin.
Bidenek su-eten baterako iragarritako plana hiru fasetan egituratzen da. Lehenengoan, sei astetan, indar israeldarrak Gazako gune populatuetatik erretiratuko lirateke eta preso palestinar batzuk askatuko lituzkete, bahitu zaurgarriak entregatzearen truke. Bigarrenean, gainerako bahituak askatuko lituzkete, liskarren amaiera iraunkor baten esparruan. Hirugarren eta azken fasean, berriz, Gazako Zerrenda berreraikitzen hasiko lirateke eta hilda dauden bahituen gorpuak entregatuko lituzkete.
Hala ere, Israelek etorkizunean Gazan izango duen presentzia aparteko oztopo bihurtu da negoziazioetan, bereziki Rafah hiriko Filadelfia korridorean, Gazako Zerrendaren eta Egiptoren arteko mugaren alde palestinarrean.
Izen horrekin ezagutzen da bi herrialdeen arteko muga zehazten duen 14 kilometro luzeko lur-zerrenda. Alde palestinarra Palestinako Agintaritzaren kontrolpean geratu zen 2005eko deskonexio planetik aurrera, eta Kairoren kontrolpean geratu zen Egiptoko aldea.
Zure interesekoa izan daiteke
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.
Flotillaren abokatuek salatu dute aktibistak atxilotu zituztenetik inkomunikatuta dauzkatela
"Atzo hasi ziren itsasontziak geldiarazten, eta orain arte, ia 30 ordu geroago, oraindik ezin izan dugu baieztatu aktibistak Israelera iritsi direnik", adierazi dute.
Putin Txinan da, Xi Jinpingekin harremanak sendotzeko
Donald Trumpen bisitatik egun gutxi igaro direnean, Errusiako presidenteak hartu du lur Pekinen. Bi eguneko bidaia egingo du eta, tartean, Xi Jinping Txinako agintari nagusiarekin bilduko da. Ekialde Hurbila eta Ukraina izango dira bidaia honetan zehar jorratuko dituzten gaietako bi, baina 40 bat akordio sinatzea ere espero dute; horietako batzuk, energiaren arloan.
Kongoko EDko Gobernuaren arabera, 134 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.