Espetxera bidali dute Alemaniako atentatuaren ustezko egilea
Alemaniako atentatuaren ustezko egilea espetxera bidali du Karlsruhe hiriko Justizia Auzitegi Federaleko epaileak. Gizonezkoak Poliziaren aurrean aurkeztu zuen bere burua. Solingenen egindako erasoak hiru hildako utzi ditu, eta Estatu Islamikoak bere gain hartu du.
Atxilotua helikopteroz eta segurtasun neurri handien artean iritsi da auzitegira, hilketa, hilketa saiakera eta Estatu Islamikoko kide izatea egotzita.
"26 urteko gizon bat ikerketa egiten ari diren agintarien aurrean agertu da, eta erasoaren erantzulea dela adierazi du. Gertakarietan izandako parte-hartzea modu intentsiboan aztertzen ari dira oraindik", adierazi zuen Poliziak.
Herbert Reul Ipar Renania-Westfalia eskualdeko Barne ministroak baieztatu duenez, "egun osoan bilatzen aritu garen gizona da", eta "susmagarri nagusia da". Reulen arabera, egiletza baieztatuko luketen frogak aurkitu dituzte.
Atxilotuak 26 urte ditu, Siriako nazionalitatea du, eta 2022an jaso zuen egoitza-baimena Alemanian, babes subsidiarioagatik. Atxilotu duten unean, odolez zikindutako arropa zeraman jantzita, ustez, ezkutatuta eman baitu egun osoa.
Larunbatean, beste bi pertsona atxilotu dituzte, 15 urteko mutil bat tartean, erasotzailearen planen berri izan zezakeelakoan.
Erasoa
Atentatua ostiral iluntzean gertatu zen, 21:45 inguruan, Solingen hiriaren 650. urteurrena ospatzeko jaialdian. Gizon bat jendea sastatzen hasi zen. Kaosa aprobetxatuz, ihes egitea lortu zuen, hiru pertsona hil eta zortzi zauritu ondoren; horietako lau egoera kritikoan daude.
Nancy Faeser Barne ministroak labanak bide publikoan mugatzeko planak iragarri eta egun gutxira gertatu da erasoa. Poliziaren datuen arabera, iaz arma zuriz egindako 9.000 lesio kasu erregistratu ziren Alemanian.
Zure interesekoa izan daiteke
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.