Herritartasuna jaiotzatik izateko eskubidea deuseztatzeko Trumpen agindua blokeatu du epaile federal batek
Epaile federal batek Donald Trump presidentearen agindu exekutibo bat blokeatu du gaur, aldi baterako. Hain zuzen ere, paperik gabeko etorkinen edo AEBn jaiotako aldi baterako estatusa duten pertsonen seme-alabei herritartasuna kentzeko erabakia gelditu epaileak. Agintari berriak migrazio sistema erreformatzeko asmoetan jasotzen duen lehen porrota da.
John C. Coughenour Seattle barruti federaleko magistratuaren ustez, agindua "Konstituzioaren aurkakoa" da, ABC News telebistak jasotako adierazpenen arabera.
"Lau hamarkada baino gehiago eman ditut auzitegian. Ez dut gogoratzen hau bezain argia den beste auzirik. Argi eta garbi Konstituzioaren aurkakoa den agindua da", azaldu du Coughenourrek. Ronald Reagan (1981-1989) presidente ohiak 1981ean izendatu zuen kargurako.
Konstituzioaren 14. zuzenketaren arabera, Ameriketako Estatu Batuetan jaiotako pertsona guztiek automatikoki lortzen dute herritartasuna, gurasoen migrazio-estatusa edozein dela ere.
Trumpen dekretuak (astelehenean kargua hartu eta ordu batzuetara sinatu zuen errepublikanoak) dio AEBn jaiotako paperik gabeko edo aldi baterako estatusa (lanerako bisa, esaterako) duten gurasoen seme-alabek ezin izango dutela herritartasuna lortu.
Praktikan, horrek eragotzi egingo luke Estatu Departamentuak haur horiei pasaporteak ematea eta Gizarte Segurantzaren Administrazioak herritar gisa aitortzea, eta horrek oztopatu egingo luke oinarrizko eskubideak eskuratzea eta herrialdean legez lan egiteko aukera izatea.
Guztira, gobernu demokratak dituzten 22 estatuk Trumpen aginduaren aurka egin zuten asteartean, Trumpek eskubide horrekin amaitzeko saiakeraren kontra. Hasiera batean, 18 estatuk jarri zuten helegitea asteartean, eta egun horretan bertan beste lau estatuk eskatu zioten gorte federalari agindua ez aplikatzeko.
Coughenourren erabakia azken lau estatu horiekin lotuta dago, eta 14 egunez egongo da indarrean, The Seattle Times egunkariak zehaztu duenez. Tarte horretan epaile federalaren erabakiaren aurkako errekurtsoak aurkeztu daitezke.
Zure interesekoa izan daiteke
AEBk Raul Castro Kubako presidente ohia inputatu du 1996an bi hegazkin erasteagatik
Duela berrogei urte, Kubako ehiza-hegazkinek Floridako itsasartean Anai erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.
Flotillaren abokatuek salatu dute aktibistak atxilotu zituztenetik inkomunikatuta dauzkatela
"Atzo hasi ziren itsasontziak geldiarazten, eta orain arte, ia 30 ordu geroago, oraindik ezin izan dugu baieztatu aktibistak Israelera iritsi direnik", adierazi dute.
Putin Txinan da, Xi Jinpingekin harremanak sendotzeko
Donald Trumpen bisitatik egun gutxi igaro direnean, Errusiako presidenteak hartu du lur Pekinen. Bi eguneko bidaia egingo du eta, tartean, Xi Jinping Txinako agintari nagusiarekin bilduko da. Ekialde Hurbila eta Ukraina izango dira bidaia honetan zehar jorratuko dituzten gaietako bi, baina 40 bat akordio sinatzea ere espero dute; horietako batzuk, energiaren arloan.
Kongoko EDko Gobernuaren arabera, 134 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.