Goi-bilera egingo dute astearte honetan Kairon, Gaza 'Ekialdeko Riviera' bihur ez dadin plana adosteko
Arabiar Ligako 22 herrialdeetako buruek NBEren eta Europar Batasunaren hainbat ordezkariekin batera, urgentziazko goi-bilera egingo dute astearte honetan Egiptoko hiriburuan, Gazaren berreraikuntza adosteko asmoz.
Donald Trump AEBko presidenteak nahiko lukeenari muzin egin eta Gazako zerrenda 'Ekialde Hurbileko Riviera' bihurtzea saihestea da goi-bileraren helburu nagusia. Horretarako, Egiptok mahai gainean jarritako plana aztertuko dute. Kairoko bileran emango dituzte proiektu horren xehetasunak eta ikusteko dago ideiak herrialde arabiarren batasuna eta erabaki kolektiboak hartzeko gaitasuna ekartzen dituen.
Bere planarekin piztutako suari egurra botatzen jarraitu zuen aurreko astean Trumpek, adimen artifizialarekin sortutako bideo baten bidez. Bideo horretan "Gaza berria" agertzen zen, Trumpen beraren urrezko estatua eta guzti.
Hauek dira goi-bileraren erronka nagusiak:
Berreraikuntza: Egiptoko agintariek azken asteetan jakinarazi dute hiru faseko plan bat dutela Gaza hiru urtean berreraikitzeko. Horretarako, Egiptoko, Arabiako eta gehiengo musulmana duten herrialdeetako enpresek parte hartzea aurreikusten dute.
Talaat Mustafa Egiptoko higiezin-enpresaburuak elkarrizketa batean adierazi duenez, Gaza berreraikitzeko 200.000 etxebizitza unitate eraiki beharko lirateke 1,2 milioi pertsona inguru hartzeko, eta hori hiru urtean lor liteke "40 eta 50" enpresa eraikitzailek laguntzen badute.
Nazio Batuen, Munduko Bankuaren eta EBren kalkuluen arabera, Gaza berreraikitizea 53.000 milioi dolar inguru kostatu daiteke.
Segurtasuna eta kudeaketa: Desadostasunak egon dira gaia aurrez landu izan denean. Arabiar Ligako kide batzuk zalantzati daude Hamas talde islamistak boterean jarraitzen duen bitartean. Era berean, hainbat iritzi daude Palestinako Aginte Nazionalaren (PAN) izan beharko lukeen eginkizunari buruz. Egiptok berak zalantzan jartzen du Mahmud Abas Palestinako presidenteak gidatutako erakundearen gaitasuna.
Su-etena: Egiptoren planak porrot egin dezake Gazako su-etenaren bigarren faseari buruzko negoziazioek geldirik jarraitzen badute.
Parte-hartzea: Arabiar Ligako buruzagiez gain, Antonio Guterres Nazio Batuen idazkari nagusia ere Kairon izango da Gazan "bakea eta egonkortasuna lortzeko beharrezkoak diren elementuak eztabaidatzeko".
Ahmed al-Sharaa Siriako behin-behineko presidentea ere bertan izatea espero da, Abdel Fatah al-Sisi Egiptoko presidentea gonbidapena bidali baitzion joan den astean.
Zure interesekoa izan daiteke
Europako hainbat herrialdek Groenlandian tropak zabaltzeko atea ireki dute, "Artikoan segurtasuna mantentzeko"
Europak erreakzionatu egin du Donald Trump AEBko presidenteak Artikoko uharte horren inguruan egindako mehatxuen aurrean.
AEBko indarrek beste petrolio-ontzi bat konfiskatu dute Kariben
Ameriketako Estatu Batuetako kostazainek "Veronica" petrolio-ontzia konfiskatu dute ostegun honetan Karibeko uretan, Washingtonek Venezuelako petrolio gordinari ezarritako blokeoa urratzea egotzita. Seigarren operatiboa izango litzateke, Trumpen Administrazioak Kariben konfiskazioak eta igortutako ontziak blokeatzen hasi zenetik.
NASAren "Crew-11" misioa Lurrera itzuli da, astronauta bat gaixo dabilelako
Joan den urtarrilaren 8an, NASAk misioaren amaiera aurreratzeko eta tripulazioko lau kideak Lurrera ekartzeko erabakia hartu zuela iragarri zuen. Lehen aldiz aurreratu da Nazioarteko Espazio Estazioko misio baten amaiera kide baten osasunagatik; izan ere, estazioak ekipo mediku aurreratuak dituen arren, ez dago prestatuta diagnostiko konplexuak egiteko.
Bi hildako eta zauritu bat Thailandian, garabi bat eraikitzen ari zen zubiaren azpiko errepidera erorita
Bangkoken, autobideko zubi batean garabi bat erori eta gutxienez bi lagun harrapatu ditu azpian. Hil egin dira biak. Bezperan, Thailandian abiadura handiko trena eraikitzeko erabilitako beste garabi bat erori eta 32 bidaiari hil ditu, eta 66 zauritu.
Venezuelan "elkar ulertzeko garai politikoa" datorrela iragarri du Delcy Rodriguezek
Donald Trump AEBko presidentea Maria Corina Machado Venezuelako oposizioaren buruarekin bilduko da gaur Etxe Zurian.
Poliziak pertsona bat tirokatu du Minneapolisen, Renne Good hil eta astebetera
AEBko Segurtasun Nazionalerako Departamentuak jakitera eman duenez, zaurituak Immigrazioko eta Aduanetako agenteari eraso egin dio atxilotzera joan direnean, eta Poliziak tiro eginez erantzun du.
Iranek aireko espazioa ireki du berriro, ia bost orduz itxita egon ostean; tentsioa handia da AEBrekin
Donald Trump AEBko presidenteak bere aholkulariei esan dienez, Iranen aurkako ekintza militar "azkarra eta zuzena" izan beharko litzateke, NBC Newsen arabera.
Danimarkak eta AEBk "goi mailako lantalde bat" eratu dute, Groenlandiari buruzko "desadostasunak bideratzeko"
Estatu Batuetako, Danimarkako eta Groenlandiako ordezkaritzen arteko bilera akordiorik gabe amaitu da, arratsaldean, Etxe Zurian.
Danimarkak iragarri du presentzia militarra indartuko duela Groenlandian, NATOko aliatuekin
Gogorarazi du iazko udan handitu egin zutela uhartean zuen presentzia, hainbat ekimenekin; besteak beste, Aliantzako lau herrialderekin egindako maniobrak aipatu ditu.
Trumpek erdiko hatza atera dio "pedofiloen babeslea" oihukatu dion Fordeko langile bati
Donald Trumpek erdiko hatza atera dio Fordeko langile bati, Detroiteko auto fabrikara egindako bisitan, langileak "pedofiloen babeslea" oihukatu ostean.