EBko buruzagiek oniritzia eman diote Von der Leyenen bide-orriari, gastu militarra berehala handitzeko
EBko estatuburuek eta gobernuburuek oniritzia eman diote Ursula von der Leyen Europako Batzordeko presidentearen 'bide-orriari', gastu militarra berehala areagotzeko, 800.000 milioi euro inguru xahutu nahi baititu defentsan.
Horrela, Europar Batasuneko buruzagiek maileguetan 150.000 milioi euro bideratzeko tresna babestu dute, datorren hamarkadan Europa "berrarmatzeko" planaren baitan, erosketa militarretan lehentasunak finkatzeaz gain, Ukrainako gatazkak markatutako premia geopolitikoari erantzuteko EBren beste urrats batean.
Donald Tusk Poloniako lehen ministroak adierazi duenez, "Europak denbora asko galdu du, baina dena alda daiteke gaur", eta "armagintza lasterketari berriro heltzeko" eta "irabazteko" deia egin du.
Olaf Scholz Alemaniako jarduneko kantzilerrak EBk aurrekontuen egonkortasunerako arauak aldatu behar dituela defendatu du, 27 estatu kideek "epe luzera" gastu militarra handitu ahal izateko, eta ez soilik datozen urteetan.
Mette Frederiksen Danimarkako lehen ministroaren hitzetan, "orain, garrantzitsuena Europa berrarmatzea da". "Ez dugu denbora askorik. Defentsan eta disuasioan gastatu eta gastatu behar da, hori da mezua. Eta, aldi berean, Ukrainari laguntzen jarraitu. Bakea nahi dugu, eta ezin da lortu Ukrainan bake iraunkorrik gabe", nabarmendu du.
Bart De Wever Belgikako haren homologoak iragarri du bere Gobernuari egitasmoak aurkeztuko dizkiola, BPGaren % 2 defentsara "uste baino azkarrago" bideratzeko. "2029an aurreikusita zegoen, baina mundua askoz azkarrago armatu behar da", azpimarratu du.
Hungaria eta Italia
Bestalde, Viktor Orban Hungariako lehen ministroak sare sozialetan idatzi duenez, atzo Frantzian egindako bilerek berretsi egin zuten "bakearen modalitateei dagokienez ados egon ez bagaitezke ere, bat gatoz Europako nazioen defentsarako gaitasunak sendotu behar ditugula esatean, eta estatu kideak ahaldundu behar direla, eta ez Bruselako burokratak".
Ulf Kristersson Suediako lehen ministroak Hungariak Ukraina babesteko duen mesfidantza kritikatu du. "Gehiengo handia dago Ukrainari babesa ematearen alde, baina ez dago adostasunik. Hungariak nabarmendu eta okerreko aldean jarri nahi badu, bere kontua da", aurpegiratu dio Orbani.
Giorgia Meloni Italiako lehen ministroa Europako kohesio funtsak berrarmatze egitasmora bideratzearen aurka agertu da. Italiak, beste estatu kide batzuekin koordinatuta, kohesiorako funtsak desbideratzea saihestu nahi du, diru hori horretarako erabiltzearen kontra dago, eta aurreikusitako helburuetarako mantendu behar dela defendatzen du, Italiako iturriek EFEri jakinarazi diotenez.
Meloniren Gobernua, aldiz, Errusiaren gertuko Europako estatuek funts horiek defentsarako erabiltzearen alde agertu da, beharrezkoa ikusten badute eta lehentasuntzat jotzen badute, baina zehaztu du Erroma ez dagoela prest kohesio-funtsak desbideratzeko armak erosteko.
Zelenskiren esker ona, Trumpekin izandako liskarraren ondotik
Europar Batasuneko gastu militarra areagotzeko eta Kievi babesa berresteko eztabaida Ukrainako presidentearen eta Donald Trump AEBko agintariaren arteko ika-mikaren ostean gertatzen ari da. Hori dela eta, Zelenskik eskerrak eman dizkio gaur EBri, Ukraina "bakarrik ez uztearren", eta gaineratu du ez direla "hitzak bakarrik", Kievek Bruselaren babesa sentitzen baitu.
"Oso garrantzitsua da. Keinu garrantzitsua egin zenioten Ukrainari, borrokalariei, zibilei, gure familia guztiei, eta zoragarria da gu bakarrik ez egotea. Sentitzen dugu eta badakigu. Eskerrik asko guztiagatik", azpimarratu du.
Zure interesekoa izan daiteke
Horrela geratu da Venezuela lurrikaren ondoren
Venezuelak bere historiako hondamendi natural handienetakoa jasan zuen asteazkenean. Kaosa areagotu da hainbat hiritan, eta kalte oso handiak eragin ditu; batez ere, La Guairan. Horrela geratu da Venezuela airetik ikusita.
Lurrikarek eragindako kaosa areagotu egin da La Guairan
La Guairako errepideak blokeatuta daude, eta, hori dela eta, sarbideak mugatzea erabaki du Venezuelako Gobernuak. Dena galdu ostean, kalean, kanpamentu inprobisatuetan ari dira bizirauten, senideekin komunikatu ezinik. Une honetan, premiazkoa da La Guairara iristeko bideak libre uztea, laguntza bertara irits dadin.
Bilaketa lanek ez dute etenik Venezuelan, lurrikarak utzitako hondakinen artean
Datu ofizialen arabera, 920 hildako eta 50.000 desagertu baino gehiago utzi dituzte lurrikarek. Espainiako Estatuko herritarrei dagokienez, 5 espainiar hil eta 133 desagertu omen dira.
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.