Albiste izango dira: Aita santuaren heriotza, nolakoa izango da konklabea? eta Zeuk Esan telefonoaren txostena

Honako gai hauek hartuko dituzte gaur, 2025eko apirilaren 22an, hedabideetako lerroburu nagusiak:

- Frantzisko aita santuaren heriotza: Vatikanoak gaur emango ditu Frantzisko aita santuaren hiletari buruzko xehetasunak, baina baliteke datorren apirilaren 26an izatea. Aita santuak hileta sinpleagoa izango du, Frantzisko aita santuak berak hala eskatuta. Ez da gorpua hiru zerraldotan sartuko eta ez da katafalkorik edo aita santu makulurik egongo. Frantzisko aita santuaren hilotza asteazkenean, hilak 23, eramango dute Vatikanoko San Petri basilikara, fededun guztiek omenaldia egin diezaioten. Halaber, Vatikanoko basilikan beharrean, Erromako Andre Maria Nagusian hobiratuko dute.

- Nolakoa izango da Aita Santu berria aukeratzeko konklabea? Hauek dira Frantzisko aita santuaren ondorengoa aukeratzeko konklabearen gakoak. Vatikanoko Kapera Sixtinoan mundutik isolatuta, 139 kardinal hautesleek Eliza Katolikoko aita santu berria aukeratuko dute datozen egunetan. Itxura guztien arabera, Aita Santu berria aukeratzeko konklabea maiatzaren bigarren astetik aurrera egingo dute.

- Zeuk Esan telefonoaren 2024ko txostena: "Zeuk Esan", ume eta nerabeei arreta emateko telefonoaren 2024ko txostenaren aurkezpena egingo du Eusko Jaurlaritzak (116111). Iazko apiriletik Zeuk Esan laguntza zerbitzua eguneko 24 orduetan dago martxan. 116111 telefono zenbakira egiten diren deiak doakoak eta anonimoak dira, eta ez dute arrastorik uzten fakturan.