AEBn saltzen dituen iPhone gailuen muntaia prozesua Indiara eraman lezake Applek
Donald Trump Ameriketako Estatu Batuetako presidenteak abiatutako merkataritza gerraren albo ondorioak bata bestearen atzetik ari dira ematen. Horietako bat da Apple enpresa estatubatuarraren azken erabakia: AEBn saltzen dituen iPhone gailuen muntaketa prozesua Txinatik Indiara lekualdatzea aztertzen ari da, Financial Times egunkariak argitaratu duenez.
Zabaldutako informazioaren arabera, multinazionalak bere ekoizpen-katea dibertsifikatzeko estrategiaren barruan kokatu urratsa, baina aurreikusitakoa baino "azkarrago" jarriko du martxan prozesua.
Helburua litzateke Estatu Batuetan urtean saltzen dituen 60 milioi iPhone telefonoen muntaia Indian egitea 2026 amaierarako. Egun Txinan ekoizten duen kopuruaren halako bi egin nahi lituzke Indian Applek.
Trumpen Gobernuak % 145eko muga-zergak ezarri zizkien Txinako inportazioei, telefonoak, ordenagailuak eta txipak salbuetsita utzi bazituen ere.
Asteon, JD Vance AEBko presidenteordea Indian izan da bisitan, bi herrialdeon arteko merkataritza hartu-emanetan sakontzeko. Esan zuenez, negoziazioak "bide onetik" doaz, eta bereziki nabarmendu zuen Indiak "bazkide komertzial eta politiko" modura duen "balioa".
Duela bi urte zabaldu zuen Apple enpresak bere lehen saltokia Indiako Bombay hirian.
Zure interesekoa izan daiteke
AEBk Bagdaden duen enbaxadari eraso diote
Drone batekin egindako erasoak kalte handiak egin ditu Irakeko hiriburuko erdigunean dagoen eraikinean, baina oraingoz ez dute jakinarazi biktimarik izan den ala ez.
AEBk Kharg uhartea bonbardatu du, baina Iranek esan du ez diola kalterik egin petrolio azpiegiturari
Teheranek estatubatuarren baseen aurkako erasoak egiten jarraitu du Persiar golkoko herrialdeetan, eta Israeli ere egin dio eraso.
Kubak eta AEBk elkarrizketak abiatu dituzte, Trumpen mehatxuen ondoren
Aurreneko kontaktuen helburua izan da arazoak "identifikatzea", horientzako "konponbideak aurkitzea" eta "bi herrialdeen onurarako ekintzak zehaztea".
AEBk Errusiako petrolioaren gaineko zigorrak leuntzea kritikatu dute Europako buruzagiek
Volodimir Zelenski Ukrainako presidenteak ohartarazi du zigor horiek leuntzeak Moskuren jarrera indartzen duela, eta 10.000 milioi dolar gehiago ematen dizkiola Ukrainaren aurkako gerrarekin jarraitzeko.
NASAk apirilaren 1ean abiatuko du Artemis II misioa, 50 urten Ilargira egingo duten lehen hegaldi tripulatua
AEBko espazio agentziaren Artemis II misioa martxoan zen abiatzekoa, baina atzeratu egin zuten.
AEBk Errusiako petrolioa erosteko aldi baterako baimena eman du, prezioen igoerari eusteko
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela Iran gidatzen duen "zabor zoroari" aurre egiteko.
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.