Erroma gotortuta dute Frantzisko aita santuaren hiletaren bezperan
Frantzisko aita santuaren hileta elizkizunen bezperan (bihar, larunbatarekin, 10:00etan) Italiako hiriburua erabat blindatuta dute segurtasun agintariek.
Italia berebiziko segurtasun erronkaren atarian dago, eta horren erakusle, dispositibo zabala prestatu dute egunotarako. Vatikanoa eta Erroma bera mukuru egotea espero da bihar —200.000 pertsona, lehen estimazioen arabera— eta, gainera, hiletara joango diren 170 nazioarteko ordezkaritza babesteko zeregina ere badute agintariek. Munduko 50 estatuburu eta gobernuburu eta 10 errege-erregina bertaratuko dira.
Dispositiboaren zerrenda luzea da oso: frankotiratzaileak, droneen kontrako punta-puntako sistema, 4.000 bat agente, lehergailuak indargabetzeko taldeak, indar bereziak Tiber ibaian zein ertzetan, Eurofighter ehiza-hegazkinak, Fiumicinoko kostaldean paratuko duten destruktore sofistikatua, hegaldirik gabeko eremu zabala, eta segurtasun kontrol zorrotzak aireportuetan eta tren geltokietan.
Azken urteotako segurtasun dispositibo zorrotz eta zabalenetakoa da honakoa. Ez da gutxiagorako. Nazioarteko buruzagi ugari bilduko dira larunbatean Erroman, tartean, Donald Trump AEBko presidentea. Berarentzat bakarrik segurtasun eremu bat paratuko dute Villa Borghese inguruan. Zirkulazioa oso mugatua izango da, manifestazioak debekatuta egongo dira, eta merkantzia arriskutsuen kamioien zirkulazioa debekatuta egongo da.
Erromara joango dira, halaber, Ursula Von der Leyen Europako Batzordeko presidentea, Emmanuel Macron Frantziako presidentea, Volodimir Zelenski Ukrainakoa, eta Javier Milei (Argentina) eta Luiz Inacio Lula da Silva (Brasil) homologoak.
Frantziskoren hileta Vatikanoko San Petri plazan izango dira, eta horren ondotik, Erromako Andre Maria Nagusiaren basilikan ehortziko dute aita santua, berak hala eskatuta. Bi puntu horien artean (6 bat kilometroko tartea) dozenaka mila lagun biltzea espero dute Erromako agintariek. Oraindik ez dute ibilbide zehatza jakinarazi, baina dirudienez, Koliseoa eta Erromako Foroaren paretik igaroko da segizioa.
Vatikanoan bertan, ia dozena bat kale itxita egongo dira, eta Erroman ere etenak espero dira hainbat errepidetan, batez ere AEBko ordezkariak igarotzen direnerako.
Gaur, jaieguna Erroman
Bien bitartean, fededunek aita santua agurtzen jarraitzen dute, hil kapera irekita dagoen hirugarren egunean. Vatikanoak emandako datuen arabera, 128.000 pertsona baino gehiago igaro dira hilkutxaren aurretik. Beilatokia 19:00ak arte egongo da zabalik, eta ordubete geroago egingo dute zerraldoa ixteko erritua.
Pontifizeari azken agurra eman nahi dion orok segurtasun kontrol zorrotza gainditu behar du, eta hala, itxaronaldiak luzeak izaten ari dira, lau ordukoak.
Bart eta gaur goizean ilara luzeak sortu dira San Petri plazaren inguruan, Risorgimiento plazaraino.
Gaurkoa jaieguna da Erroman, faxismoa garaitu zenetik 80 urte betetzen baitira. Urteurrenak Frantzisko aita santuaren heriotzagatik ezarritako dolu egunekin bat egin du aurten. Berez, apirilaren 25eko ekitaldiak, jai girokoak gehienbat, ez dira bertan behera utzi, baina agintariek autokontrolerako deia egin diete herritarrei, heriotzarekiko errespetu keinu gisa.
Zure interesekoa izan daiteke
Gutxienez bi hildako eta hainbat zauritu Mexikon, Teotihuacan piramideetan izandako tiroketa batean
Erasotzailea turistei tiroka hasi da Ilargiaren Piramidera igota. Kanadako emakume bat hil du eta hainbat pertsona zauritu ditu bere buruaz beste gin aurretik.
Starmerrek "onartezintzat" jo du Mandelsonen izendapenari buruzko informazioa berari aurretik ez jakinaraztea
Aurreko saioetan egin duen bezala, Mandelsonen aukeraketaren "ardura osoa" bere gain hartu du, eta barkamena eskatu die Epsteinen biktimei. "Argi eta garbi, huts egin nien nire erabakiarekin".
Israel eta Libano bigarren aldiz elkartuko dira ostegunean, Washingtonen
Etxe Zuriko eledun batek jakinarazi duenez, negoziazioen bigarren txanda bati ekingo diote Israelek eta Libanok apirilaren 23an, eta berriro ere, Washingtonek hartuko ditu elkarrizketa horiek.
Elkartze akordioa bertan behera uzteko gehiengo faltaren aurrean, Kallas Israelen aurkako neurri komertzialen alde agertu da
Joan den irailean, Europako Batzordeak akordioaren merkataritza-puntu jakin batzuk etetea proposatu zuen. Erabaki horrek gehiengo kualifikatua baino ez du eskatzen, eta ez dakar ituna erabat haustea.
Garamendik ohartarazi du EAEk "arazoa" duela inbertsioekin: "Beste erkidegoetan baino gutxiago inbertitzen da"
Espainiako patronalaren presidenteak adierazi duenez, Estatuan egiten diren "greba guztien erdia" inguru EAEn egiteak "ez du asko laguntzen" inbertsioak erakartzeko orduan.
Iranek su-etena urratzea leporatu dio AEBri, eraso egin baitio ontzi bati Ormuzen
Teheranek salatu du "itsas pirateria" ekintza bat izan dela, eta droneekin erantzun duela. Tentsioa eta mesfidantza areagotzen ari dira, bake akordiorako elkarrizketen atarian.
Rumen Radev nagusitu da Bulgariako hauteskundeetan, lehen emaitzen arabera
Antza, Radevek gobernu egonkor bat osatzeko aukera izango luke, ezegonkortasun politikoak baldintzatutako urteei amaiera emanez. Bulgaria aurrerakoiak botoen % 38 eta 40 artean lortu ditu, lehen datuen arabera, gainerako alderdiekin alderatuta babes zabala bereganatuta.
AEBk Irango ontzi bat beraganatu dutela iragarri du Trumpek, Iranek ez dela Islamabadeko negoziazioetara joango baieztatu ondoren
AEBko presidenteak talde negoziatzaile bat bidali du Pakistanera, bilera egin asmoz baina Iranek esan du ez duela ordezkaririk bidaliko AEBk Ormuzi ezarritako blokeoak jarraitzen badu. Iran "suntsitxeko" mehatxua egin du Trumpek.
Urtebete eta hamalau urte bitarteko zortzi haur hil dira Louisianan izandako tiroketa batean
Poliziaren arabera, "etxeko liskar bat" izan da gertakaria. Hasiera betan, tiroketaren ustezko egileak ihes egin du, baina poliziek harrapatu eta hil egin dute geroago.
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.