Smotrichek nahi du "ehunka mila" palestinarrek Gaza uztea, Siria "zatitu" eta Hezbollah "desegin"
Bezalel Smotrich Israelgo Finantza ministro ultraeskuindarrak gaur adierazi duenez, "borroka ez da amaituko" Gazako Zerrenda "ehunka mila palestinarrek" utzi arte, Siria "zatitu" arte eta Hezbollah Libanoko alderdi-milizia "desegin arte".
Hala adierazi du Zisjordanian egindako hitzaldi batean, eta eskerrak eman dizkio Armadari "kemena izateagatik". "Kanpaina hau amaitu egingo dugu Iranen mehatxu nuklearra amaitu, Gaza garbitu eta gure bahituak etxera itzulitakoan, eta Israel indartsuagoa eta aberatsagoa denean", azpimarratu du, The Israel Times egunkariak jasotako informazioaren arabera.
"Ez dago eztabaidarik, etsaia suntsitu eign beharrar dugu"
"Horiek ez dira gobernu jakin baten helburuak; aitzitik, israeldarren adostasunaren eta bizi-nahiaren parte dira. Indarrez hasitako kanpaina baten azken argazkia da", berretsi du, eta gaineratu du "xehetasunak eztabaidatzen" jarrai daitekeela, baina "ez dago eztabaidarik etsaia suntsitzeko beharrari buruz".
Benjamin Netanyahu Israelgo lehen ministroaren paperari dagokionez, "aukerari muzin egiterik" baduela esan du Ekonomia ministroak.
Siria zatitzea
Smotrichek Siriari buruz esandakoak Marlin Stutzman kongresista estatubatuarrak hedabideari egindako adierazpenetan Ahmed al-Sharaa Siriako presidenteak Israelekin harremanak normalizatzeko prest dagoela adierazi ostean etorri dira; baina, era berean, herrialdea zatitzeko asmoez ohartarazi du Siriako agintariak.
Zure interesekoa izan daiteke
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.
Flotillaren abokatuek salatu dute aktibistak atxilotu zituztenetik inkomunikatuta dauzkatela
"Atzo hasi ziren itsasontziak geldiarazten, eta orain arte, ia 30 ordu geroago, oraindik ezin izan dugu baieztatu aktibistak Israelera iritsi direnik", adierazi dute.
Putin Txinan da, Xi Jinpingekin harremanak sendotzeko
Donald Trumpen bisitatik egun gutxi igaro direnean, Errusiako presidenteak hartu du lur Pekinen. Bi eguneko bidaia egingo du eta, tartean, Xi Jinping Txinako agintari nagusiarekin bilduko da. Ekialde Hurbila eta Ukraina izango dira bidaia honetan zehar jorratuko dituzten gaietako bi, baina 40 bat akordio sinatzea ere espero dute; horietako batzuk, energiaren arloan.
Kongoko EDko Gobernuaren arabera, 134 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.