600.000 euro baino gehiagoko inbertsioak egingo ditu Saudi Arabiak Estatu Batuetan
Etxe Zuriak iragarri duenez, Saudi Arabiak 600.000 milioi dolarreko (538.557 milioi euro) inbertsioa egingo du AEBn, besteak beste, defentsa, teknologia, energia eta azpiegituren sektoreetan. Donald Trumpen gobernuaren aburuz, "bi herrialdeen artean inoiz egindako merkataritza-akordio handiena" da eta sektore horiek indartzeaz gainera, lidergo teknologikoa eta mineral kritikoetarako sarbidea lortuko ditu AEBk.
Iragarpena Donald Trump AEBko presidentea Ekialde Hurbilera egiten ari den lau eguneko biraren lehen egunean egin dute. Saudi Arabiaz gainera, Qatar eta Arabiar Emirerri Batuak ere bisitatuko ditu.
Lehen geldialdian Saudi Arabiako Mohamed Bin Salman printze oinordekoak egin dio harrera. Bi herrialdeen arteko harremanen esparru berri honetako ardatz nagusienetakoa defentsa eta segurtasunaren alorrak dira. "Defentsa sektoreko historiako akordiorik handiena" den honetan 142.000 milioi dolar (127.458 milioi euro) inbertituko ditu Saudi Arabiak AEBko hainbat enpresari ekipo eta zerbitzu militarrak erosten.
Horrez gainera, kultura-, hezkuntza- edota zientzia-esparruetan harremanak estutzea ere izan dute helburu.
Esate baterako, AEBko eta Saudi Arabiako espazio-agentzien arteko akordio bat ere jaso sute sinatutako hitzarmenean. Adimen artifizialeko zentroetan, energia-azpiegituretan, abangoardiako teknologia eraldatzaileetan, osasun-sektoreko zentroetan eta azpiegitura-proiektuetan ere iragarri dituzte inbertsioak bi herrialdeetan.
AEBko ordezkaritza zabala joan da Ekialde Hurbilera: Donald Trump presidentea, Marco Rubio estatu idazkaria, Pete Hegseth Defentsa idazkaria, Scott Bessent Altxorraren idazkaria, Howard Lutnick Merkataritza idazkaria eta Chris Wright Energia idazkaria.
Urtarrilean Etxe Zurira itzuli zenetik atzerrira egiten duen bigarren bidaia da, Frantzisko aita santuaren hiletan parte hartu ondotik.
Albiste gehiago mundua
Israelek laguntza jasotzeko zain zeuden beste 49 pertsona hil ditu Gazan
Hala, Israelgo Armadak gutxienez 410 palestinar hil ditu maiatzaren 28tik GHF fundazio polemikoak antolatutako banaketa guneetan, eta beste 93 hil dira NBEk eta gobernuz kanpoko beste erakunde batzuek banatutako laguntza urria eskuratzen saiatzen ari zirenean.
NATOk "Espainiarekin arazo bat" duela esan du Trumpek Hagako goi-bilera hasi baino lehen
Horrela, agintari estatubatuarrak Espainiaren gastu maila kritikatu du. Gainera, Trumpek NATOren 5. artikulua esplizituki babestea saihestu du, kideen elkarrekiko defentsa klausula, hain zuzen ere.
Iranek su-etena berretsi eta ukatu egin du su-etenaren ostean Israelen aurka misilak jaurti izana
AEBko presidenteak su-etena iragarri du Truth sare sozialean. Israelek berehala onartu eta salatu du Iranek misilak jaurti dituela bere instalazioen kontra, baina Iranek ukatu egin du.
Albiste izango dira: su-etena Israel eta Iran artean, Gobernu Kontseiluaren urteurrena eta abisu horia beroagatik
Gaurkoan albiste izango direnen laburpena, bi hitzetan.
Israelek Gazan hildako palestinarrak ia 56.000 dira dagoeneko
Gainera, Israelgo Armadaren erasoek 131.559 pertsona zauritu dituzte jadanik. Gazako agintariek ia 40 hildako baieztatu dituzte gaur, tartean 17 pertsona, laguntza eske zihoazenean tirokatuta.
Iranek iragarri du Estatu Batuek Qatarren dituzten basearen aurka eraso egingo duela
Ez du eman erasoaren inguruko xehetasunik, baina Qatarreko hiriburuan leherketak entzun dira. Al-Udeid aire-basea 1996an eraiki zen, eta Estatu Batuetako Aginte Zentralaren kuartela da. Ipar Amerikako herrialdeak eskualdean duen base handiena da, 10.000 soldadu inguru biltzen baitira bertan.
Rubin behatokiak "gaueko zeruari buruz inoiz egin den filmik konpletoena" izango denaren lehen irudiak argitaratu ditu
Irudi hauek "time-lapse" baten hasiera dira, eta hamarkada batez zeru australa kartografiatu ondoren osatuko da. Bideoak hainbat gai eta galderari sakontasunez begiratu eta erantzutea ahalbidetuko du, esaterako: energiaren eta materia ilunaren ezaugarriak, Esne Bidearen eraketa, eguzki-sistemako gorputz txikien propietateak eta arriskutsuak izan daitezkeen asteroideen ibilbideak.
Iranek AEBri erantzun dio, Qatarreko Al Udeid base estatubatuarraren aurka misilak jaurtita
Horrela, Iranen kontraerasoa eskualdean gerra eskalatzen ez jarraitzeko diseinatu dela uste da; izan ere, aldez aurretik jakinarazi du, eta, ondorioz, Al Udeid basea partzialki hustu ahal izan dute erasoaldia gertatu baino lehen. Trumpek berak ere baieztatu du Teheranek aldez aurretik jakinarazi diela bonbardaketa, eta eraso "oso ahula" izan dela erantsi du.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.