Israelek baimendutako laguntza apurra ez da oraindik Gazako herritarrengana iritsi
Gazatarrek ez dute Israelgo Armadak baimendutako laguntzarik jaso, Stephane Dujarric NBEko Idazkaritza Nagusiaren bozeramaileak gaur ohartarazi duenez.
"Orain arte, ezin izan da hornidurarik atera Karim Shalomeko deskarga eremutik. Atzo gauean Israelgo agintariek gure taldeei baimena eman zieten oso militarizatuta dagoen gune batetik igarotzeko, baina erasoren bat gertatzeko edo laguntza lapurtzeko arrisku handia zegoela uste genuen", azaldu du Dujarricek.
NBEko agentziak Israelgo Gobernuarekin "ibilbide alternatiboak" negoziatzen ari direla gaineratu du, Tel Avivek ibilbide bakarra erabiltzeko baimena eman baitu.
Une honetan "100 bat kamioi" daude laguntza humanitarioarekin, zain, Karim Shalomeko deskarga eremu horretan, hau da, muga zeharkatu eta Gazara sartzeko aukera izan dute, baina laguntza ez da herritarrengana iritsi oraingoz, "gure printzipioen arabera" helarazi behar da, bozeramaileak zehaztu duenez.
Dujarricek argi utzi du Israelek baimendutako kamioiak ez direla nahikoak: "Garrantzitsua da azpimarratzea azkenean Karim Shalomen sartzeko baimena jaso duten hornidura mugatuek ez dutela Gazako beharrak asetzeko balio", gogorarazi du bozeramaileak.
MOEren kamioi bakar bat ere
Gainera, Munduko Osasun Erakundearen (MOE) laguntza humanitarioa duen kamioi bakar bat ere ezin izan da sartu Gazan, 68 ibilgailu horretarako prest dauden arren, gaur arduradun nagusietako batek erakundearen batzarrean baieztatu duenez.
"Bi kamioi (beste eragile humanitario batzuen laguntzarekin) asteartean sartu ahal izan ziren, eta hiruri ez zieten sartze utzi, baina MOEren kamioi bat bera ere ezin izan da Gazan sartu orain arte", adierazi du Mike Ryan erakundeko Larrialdi Humanitarioen zuzendariak Palestinako lurraldeetako osasun egoerari buruzko eztabaidan.
Israelgo ordezkaritzak eztabaida berean argudiatu duenez, Hamasek aurretik Gazan sartu den laguntza humanitarioa erabili du salmentarekin etekin ekonomikoak lortzeko eta "gerra luzatzeko". Estatu sionistak martxoaren hasieratik galarazita du laguntza humanitarioa sartzea.
Bestalde, Nazio Batuen Erakundeko Haurren Eskubideen Batzordeak "Gazako haurren hilketekin eta kalte fisikoarekin amaitzeko" eskatu dio Israeli gaur, eta laguntza humanitarioa Zerrendan sartzea uzteko ere eskatu dio.
"Ezin da justifikatu nazioarteko zuzenbidearen eta zuzenbide humanitarioaren aurka egiten duten neurri horiek; Haurren Eskubideei buruzko Konbentzioa eta Genozidio Delitua Prebenitzeko eta Zigortzeko Konbentzioa urratzen dute", salatu du batzordeak, ohar batean.
Nazio Batuen aditu organoak ziurtatu duenez, joan den astean Israelek 100 haur baino gehiago hil zituen Gazaren aurka egindako erasoetan. Munduko Osasun Erakundearen arabera, berriz, 50 bat gehiago hil dira elikagai faltagatik astebetean, eta baliteke 700.000 lagun gehiago hiltzea hemendik urtebetera.
Batzordeak, gainera, Tel Aviveko Gobernuari presioa egin diezaion eskatu dio nazioarteari, Gazara laguntza humanitarioa sartzeko oztopoak ken ditzan, blokeoak bi hilabete eta erdi baino gehiago irauten baitu.
Albiste gehiago mundua
NATOk "Espainiarekin arazo bat" duela esan du Trumpek Hagako goi-bilera hasi baino lehen
Horrela, agintari estatubatuarrak Espainiaren gastu maila kritikatu du. Gainera, Trumpek NATOren 5. artikulua esplizituki babestea saihestu du, kideen elkarrekiko defentsa klausula, hain zuzen ere.
Iranek su-etena berretsi eta ukatu egin du su-etenaren ostean Israelen aurka misilak jaurti izana
AEBko presidenteak su-etena iragarri du Truth sare sozialean. Israelek berehala onartu eta salatu du Iranek misilak jaurti dituela bere instalazioen kontra, baina Iranek ukatu egin du.
Albiste izango dira: su-etena Israel eta Iran artean, Gobernu Kontseiluaren urteurrena eta abisu horia beroagatik
Gaurkoan albiste izango direnen laburpena, bi hitzetan.
Israelek Gazan hildako palestinarrak ia 56.000 dira dagoeneko
Gainera, Israelgo Armadaren erasoek 131.559 pertsona zauritu dituzte jadanik. Gazako agintariek ia 40 hildako baieztatu dituzte gaur, tartean 17 pertsona, laguntza eske zihoazenean tirokatuta.
Iranek iragarri du Estatu Batuek Qatarren dituzten basearen aurka eraso egingo duela
Ez du eman erasoaren inguruko xehetasunik, baina Qatarreko hiriburuan leherketak entzun dira. Al-Udeid aire-basea 1996an eraiki zen, eta Estatu Batuetako Aginte Zentralaren kuartela da. Ipar Amerikako herrialdeak eskualdean duen base handiena da, 10.000 soldadu inguru biltzen baitira bertan.
Rubin behatokiak "gaueko zeruari buruz inoiz egin den filmik konpletoena" izango denaren lehen irudiak argitaratu ditu
Irudi hauek "time-lapse" baten hasiera dira, eta hamarkada batez zeru australa kartografiatu ondoren osatuko da. Bideoak hainbat gai eta galderari sakontasunez begiratu eta erantzutea ahalbidetuko du, esaterako: energiaren eta materia ilunaren ezaugarriak, Esne Bidearen eraketa, eguzki-sistemako gorputz txikien propietateak eta arriskutsuak izan daitezkeen asteroideen ibilbideak.
Iranek AEBri erantzun dio, Qatarreko Al Udeid base estatubatuarraren aurka misilak jaurtita
Horrela, Iranen kontraerasoa eskualdean gerra eskalatzen ez jarraitzeko diseinatu dela uste da; izan ere, aldez aurretik jakinarazi du, eta, ondorioz, Al Udeid basea partzialki hustu ahal izan dute erasoaldia gertatu baino lehen. Trumpek berak ere baieztatu du Teheranek aldez aurretik jakinarazi diela bonbardaketa, eta eraso "oso ahula" izan dela erantsi du.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.