Ekainetik aurrera % 50eko muga-zerga ezartzeko mehatxua egin dio Trumpek EBri
Donald Trump Ameriketako Estatu Batuetako (AEB) presidentearen ustez, Europar Batasunarekin egindako negoziazioek "ez dute fruiturik eman", eta, hori dela eta, ekainaren 1etik aurrera EBko produktuei % 50eko muga-zerga ezartzeko gomendatu du.
"Haiekin ditugun elkarrizketak ez dira fruiturik ematen ari. Beraz, 2025eko ekainaren 1etik aurrera Europar Batasunari % 50eko muga-zerga zuzena jartzeko gomendatzen dut", iragarri du Trumpek Truth Social sarean duen profilaren bidez. "Produktua Estatu Batuetan fabrikatzen bada, ez da inolako muga-zergarik aplikatuko", gaineratu du.
Etxe Zuriko maizterrak berretsi duenez, merkataritza arloan "AEBz baliatzeko helburuarekin sortu zuten" Europar Batasuna.
Horren harian, besteak beste, EBren merkataritza oztopoak, BEZa, zigor korporatibo "barregarriak", merkataritza oztopoak, diru-manipulazioak, enpresa estatubatuarren aurkako "justifikaziorik gabeko" eskaerak direla eta, Ameriketako Estatu Batuekiko merkataritza defizita sortu dute, eta "kopuru erabat onartezina da", Trumpen aburuz.
Kontrakoa esan eta ordu batzuetara, Trump ziur agertu da Europar Batasunak ez duela azkenean muga-zergarik ordaindu beharko, "enpresak bidali eta lantegiak AEBn eraikiko dituelako".
Adierazpen horien aurrean, Maros Sefcovic Europar Batasuneko Merkataritza komisarioak bi aldeei mesede egingo dien akordio bat bilatzeko "erabateko konpromisoa" helarazi dio AEBri.
"Europako Batzordea zintzotasunez lan egiten jarraitzeko prest dago. EBren eta AEBren arteko merkataritza paregabea da, eta errespetuan oinarritu behar da, ez mehatxuetan. Gure interesak defendatzeko prest gaude", adierazi du X sare sozialean.
Sefcovicek Howard Lutnick AEBko Merkataritza idazkariarekin eta Jamieson Greer ordezkariarekin telefonoz hitz egin ostean egin ditu adierazpenok.
Muga-zerga Appleri
Bestalde, AEBko presidenteak iragarri du Applek % 25eko muga-zerga ordaindu beharko duela AEBn saltzen diren baina AEBtik kanpo ekoizten diren iPhone telefonoen truke.
"Aspaldi jakinarazi nion Appleko Tim Cooki Ameriketako Estatu Batuetan saltzen diren iPhoneak herrialde horretan fabrikatzea eta muntatzea espero dudala, ez Indian, ezta beste inon ere", azaldu du.
Trumpen mehatxuek Europako burtsak astindu dituzte
Europako burtsa nagusiek galerak izan dituzte gaurko saioan. Kontinente zaharreko merkatuak orekan mugitzen ari ziren, baina 14:00ak aldera bat-batean % 2 baino gehiago jaitsi dira, Trumpek mezuak Truth Social sare sozialean argitaratu ostean. Hala ere, itxieran, burtsek beherakadak arindu dituzte.
Milan izan da galeren buru Europan, % 1,94 galduta. Parisek % 1,65 egin du behera, luxuaren sektoreak bultzatuta; Frankfurtek, % 1,54; eta Madrilek, % 1,18, nahiz eta 14.100 puntuei eutsi.
Kapitalizazio handieneko Europako enpresek kotizatzen duten Euro Stoxx50 indizeak % 1,81 egin du behera, eta Londresek, % 0,24.
Donald Trump Ameriketako Estatu Batuetako (AEB) presidentearen ustez, Europar Batasunarekin egindako negoziazioek "ez dute fruiturik eman", eta, hori dela eta, ekainaren 1etik aurrera EBko produktuei % 50eko muga-zerga ezartzeko gomendatu du.
"Haiekin ditugun elkarrizketak ez dira fruiturik ematen ari. Beraz, 2025eko ekainaren 1etik aurrera Europar Batasunari % 50eko muga-zerga zuzena jartzeko gomendatzen dut", iragarri du Trumpek Truth Social sarean duen profilaren bidez. "Produktua Estatu Batuetan fabrikatzen bada, ez da inolako muga-zergarik aplikatuko", gaineratu du.
Etxe Zuriko maizterrak berretsi duenez, merkataritza arloan "AEBz baliatzeko helburuarekin sortu zuten" Europar Batasuna.
Horren harian, besteak beste, EBren merkataritza oztopoak, BEZa, zigor korporatibo "barregarriak", merkataritza oztopoak, diru-manipulazioak, enpresa estatubatuarren aurkako "justifikaziorik gabeko" eskaerak direla eta, Ameriketako Estatu Batuekiko merkataritza defizita sortu dute, eta "kopuru erabat onartezina da", Trumpen aburuz.
Kontrakoa esan eta ordu batzuetara, Trump ziur agertu da Europar Batasunak ez duela azkenean muga-zergarik ordaindu beharko, "enpresak bidali eta lantegiak AEBn eraikiko dituelako".
Adierazpen horien aurrean, Maros Sefcovic Europar Batasuneko Merkataritza komisarioak bi aldeei mesede egingo dien akordio bat bilatzeko "erabateko konpromisoa" helarazi dio AEBri.
"Europako Batzordea zintzotasunez lan egiten jarraitzeko prest dago. EBren eta AEBren arteko merkataritza paregabea da, eta errespetuan oinarritu behar da, ez mehatxuetan. Gure interesak defendatzeko prest gaude", adierazi du X sare sozialean.
Sefcovicek Howard Lutnick AEBko Merkataritza idazkariarekin eta Jamieson Greer ordezkariarekin telefonoz hitz egin ostean egin ditu adierazpenok.
Muga-zerga Appleri
Bestalde, AEBko presidenteak iragarri du Applek % 25eko muga-zerga ordaindu beharko duela AEBn saltzen diren baina AEBtik kanpo ekoizten diren iPhone telefonoen truke.
"Aspaldi jakinarazi nion Appleko Tim Cooki Ameriketako Estatu Batuetan saltzen diren iPhoneak herrialde horretan fabrikatzea eta muntatzea espero dudala, ez Indian, ezta beste inon ere", azaldu du.
Trumpen mehatxuek Europako burtsak astindu dituzte
Europako burtsa nagusiek galerak izan dituzte gaurko saioan. Kontinente zaharreko merkatuak orekan mugitzen ari ziren, baina 14:00ak aldera bat-batean % 2 baino gehiago jaitsi dira, Trumpek mezuak Truth Social sare sozialean argitaratu ostean. Hala ere, itxieran, burtsek beherakadak arindu dituzte.
Milan izan da galeren buru Europan, % 1,94 galduta. Parisek % 1,65 egin du behera, luxuaren sektoreak bultzatuta; Frankfurtek, % 1,54; eta Madrilek, % 1,18, nahiz eta 14.100 puntuei eutsi.
Kapitalizazio handieneko Europako enpresek kotizatzen duten Euro Stoxx50 indizeak % 1,81 egin du behera, eta Londresek, % 0,24.
Zure interesekoa izan daiteke
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.